أولا : النوايا الجيدة لا تصنع عمل أدبي جيد و متماسك

و حط تحت الجملة دي 100 خط

ثانيا :الرواية من النحية الأدبية تفتقد كل عناصر العمل الروائي الجيد

لا لغة و لا سرد و لا حبكة و لا أي شئ

اللغة ضعيفة لغة طالبة بالمرحلة المتوسطة

و السرد ممل أوي أوي إلي ما لا نهاية و لا يوجد به أي تشويق أدبي

و لا توجد حبكة علي الإطلاق بالعكس ببقي عارف اللي هيحصل بعد 20 صفحة بمنتهي السهولة

قبل أقرأ ما عدا أخر 50 صفحة اللي كان فيهم بعض التشويق

ثالثا: الحجم كبير جدا علي فكرة زي الفكرة اللي جات في دماغ خولة و هي بتكتب الرواية كان كفاية أوي 200 صفحة

تلم فيهم اللي هي عاوزة تقوله مش 386 مط و حشو غريب

رابعا : النصاري و اليهود مش بالسهولة دي نحية معتقادتهم بالعكس تماما مش بيسلموا أول ما يمسكوا المصحف

أو يسمعوا القرأن كانت مفروض تهتم بمواضيع و إشكاليات جدلية بين ال 3 أديان بدلا من أن يسلم الجميع علي العاطفة

ندي عشان بتحب أحمد

جاكوب عشان سارة بنته

و سونيا عشان ندي

و تانيا عشان جاكوب

مهرجان إسلام علي العاطفة شئ غير مفهموم و غير مبرر علي الإطلاق

حتي لو هي حاولت تبين عكس كده انهم بيقرؤا و بيقتنعوا بالإسلام طب قرؤا إيه طب أقتنعوا بإيه

طب أحكلنا حوار داخلي كده بين واحد بس من اللي أسلموا في روايتك بينه و بين نفسه نقاش كده جوه دماغه بعدين أسلم مافيش

دليل علي أنك مش عارفة أصلا لو عارفة كنتي حكيتي عشان كده إسلام علي العاطفة بشكل سطحي مهما حاولتي تغيري ده

نصيحة لخولة

إنتي كويسة و عملك ليس ضعيف بالجملة فيه حاجات كويسة و تحسبلك

هو مفكك ليس أكثر عاطفتك جياشة و حركتي جوايا مشاعر خاصة في خاتمة الرواية

و لهذا أعطيتك نجمتان أتمني تتعلمي من هذة الرواية و تشوفي أخطائك

و متتغريش أنها أطبعت 23 طبعة لحد الأن الرواية متواضعة

و معرفش كل الزخم اللي حوليها ده لزمته إيه كفاية كده عشان طولت قوي

شكرا

:)