كتاب مفيد جدا عن كيفية تكون العادات، الكتاب بيتكون من ثلاثة أجزاء: الجزء الأول عن عادات الأفراد وفيه بنتدي نفهم ازاي العادات بتتكون وبتتخزن جوا مخ الانسان وازاي شخص ممكن يكون عادة حتى لو كان مصاب بالخرف او فقدان الذاكرة، او يستبدل عادة بعادة تانية مهما كانت العادة القديمة قوية وصعب تغييرها. الجزء التاني هو عن كيفية بناء وتغيير العادات على المستوى المؤسسي عشان تكون المؤسسات دي أكثر نجاحا ونجازا واتكلم تشارلز دويج في الفصل الاخير منه عن تلاعب بعض المؤسسات التجارية الكبيرة بعادات مستهلكينها للتربح. الجزء الثالث والأخير هو عن عادات المجتمعات وعن ايه في عادتنا بيعتبر حاجة فوق خارجة عن سيطرتنا وايه اللي موجود بارداتنا الحرة. وفي ملحق الكتاب المؤلف بيقدملنا المختصر المفيد للأسئلة اللي معظمنا بيسئلها: هل تغيير العادات وتبديل عادات سلبية بأخرى ايجابية ممكن؟ وازاي؟ الاجابة هي نعم ودي حاجة محتاجة قراءة للكتاب عشان تتشرح.
الكتاب الرائع وارشحه لكل الناس اللي عندهم مشكلة في بناء وتغيير العادات في حياتهم