من اجمل ما قرأت , ابراهيم عيسي ابدع مش بس في استخدام اللغة لقصة حقيقية , كمان في تعريف كل صحابي باشهر مواقفه أو متي تم اسلامه
اللي عايز يعرف من هو عبد الرحمن بن الملجم قاتل الامام علي , ويعرف حقيقة الفتنة في قتل عثمان بن عفان
يقرأ رحلة الدم ليعرف ويفهم واكيد مش ح يستوعب مدي غل وحقد البعض ومنهم كتير جدا صحابة ومن الصحابة الاوائل كمان
ومش ح تسيوعب مدي حبهم للمال والسلطة والدنيا , نعم هم بشر ولكن حقدهم بسبب المزيد مش بسبب القلة
النقطة المهمة عندي ان دايما دايما بيستخدم كلمة " المصريين " هما اللي قتلوا عثمان او هما السبب في بداية الفتنةبداية الفتنة بدات من محمد بن ابي بكر ومحمد بن ابي حذيفة , وهما اتنقلوا لمصر وانضموا للمقيمين فيها من صحابة وتابعين من اللي فتحوا مصر مع جيش عمرو بن العاص ايام خلافة عمر بن الخطاب
, فهم قادمين من مصر وليسوا مصريين
اللي بستغربه دايما دايما موقف عثمان وتصميمه علي عدم تنازله
واكتر رضا الامام علي بقبول الخلافة , ح يحكم مين اللي قتلوا عثمان ونهبوا المدينة ومنهم صحابة
ولا اللي اشعلوها زي الزبير وعمرو بن العاص وطلحة وعمار بن ياسر
ولا اللي رضا بيها فتنة وسكت زي بني امية ومعاوية
ولا اللي رضوا بالسكات والاعتزال !!!
مش عارفة ليه وافق
وازاي الامام علي ولا الصحابة سواء اللي حرضوا او اعتزالوا رضوا ان عثمان يموت عطشا ويفضل 3 ايام بدون دفن وكمان يندفن في مقابر اليهود بعدها , ازاي يحكي التاريخ عن شجاعتهم في حربهم ضد اليهود والكفار والفرس والروم , ازاي اصدق دا !