من اروع الكتب اللي قراتها وبصراحة اللي شجعني اتي كنت شفت الكرتون وانا صغيرة وبس قرات الرواية حسيت اني بقرا الاصل منها يعني ....
اسلوب الكاتبة رائع وشخصية ان الحيوية وافكارها عن الحياة خلتني اشوف الحياة بنظرة ثانية وكانت الطبيعة اللي وصفتها الكاتبة وصف بديع مشجع ثاني كمان .. مواقف طريفة ومفاجئة وحزينة مع انه عنصر الحزن مش داخل كثير الاشي اللي خلاني افهم انه هاي الرواية لجلب الاسترخاء هاي الرواية رح تسافر فيك لمكان ثاني لجزيرة الامير ادوارد ل40 سنة ورى .. بصراحة وانا بقرا الرواية كنت بتمنى لو انه الكاتبة عايشة عشان ارسللها اعجابي على ورقة ...اذا قرات عن الكاتبة بعدين فرات الرواية رح تفهم انو المشاعر اللي كانت في الرواية هي مشاعر الكاتبة كمان متقمصة بشخصية ... والقصة بتوخذ منحى من حياتها ...
شخصية ان جد لطيفة وبتخليك تضحك وتبتسم ولما كبرت ان وصارت هادية زعلت هههه... انتهت الرواية نهاية مفتوحة الاشي اللي اكدلي انو الكاتبة تركت الاثر اللي بدها اياه في 400 صفحة وخلص مع اني تمنيت اني اشوف ان وهي بتتزوج