يا جبلاوى
يا جبلاوى .. حتى متى تلازم الصمت والاختفاء ، وصاياك مهملة وأموالك مضيعة أنت فى الواقع تسرق آما يسرق أحفادك
يا جبلاوى ألا ستمعنى ؟ ألا تدرى بما حل بنا ؟ لماذا عاقبت إدريس كان خيرا ألف مرة من فتوات حارتنا ؟ يا جبلاوى!
الكتاب بيدور في رمزية حول قصص دينية معروفه لدي الجميع فهو بيبتدي حكايته بادهم (ادم) و الصراع بينه و بين ادريس علي اداره الوقف و طردهم هم الاثنين من البيت الكبير
و انفرادهم مع ادريس في الخلاء و املهم بعد فقرهم و عذابهم انهم يرجعو مرة تانية للبيت الكبير ثم بعد ذلك انجاب اول ذرية ليهم همام و قدري ولاد ادهم و هند بنت ادريس يشتد الصراع بين الذرية
و يصل للذروه لما الجبلاوي يطلب من همام انه يجي يعيش معاه في البيت الكبير
و الحقيقة اني لم افهم هنا سياسه الجبلاوي يميز حفيد عن حفيد و هم كلهم احفاده ليشعل بينهم الكراهية و القتل و كذلك بين ادهم و ادريس
حتي و ان كان اولاده عصاه فهم من صلبه و يجب ان يصلح منهم لا ليميز احد عن احد فيشعل نار الغيرة الا يحتاج العليل للاهتمام حتي يمتثل له الشفاء !!
و هل الذنب ينتقل للاحفاد الذين لم يقرروا مصير ابائهم فلا حول لهم و لا قوه !!
بعد كده بينتقل لقصة جبل (موسي)
اللي كان عاوز يرجع الوقف للحي بتاعه و يخلصه من ايد الناظر عجبني جدا رمزيه الكاتب و ازاي مثل كل الجوانب من قتل جبل لرجل لما شافه بيتصارع مع واحد من اهل الحي و كذلك معايره حيه ليه علي القتل كما حدث مع موسي عندما قتل الرجل المصري و ازاي ان جبل اللي متربي في بيت الناظر تركه علشان ينصر اهل حيه و ساب كل الغني ورا ضهره و تمثيله لحادثه التجلي علي الجبل بظهور الجبلاوي له وجها لوجه الكاتب ارتكز علي ان شريعه جبل كانت عينا بعين و سنا بسن و النابوت و القوه في تحقيق العداله
ولكن افه حارتهم النسيان ..
قصة رفاعه ( يسوع )
من رايي اروع القصص الي صورها الكاتب في الرمزية و الاحداث بعد عرفة ازاي وهب وقته ان يصرف الناس عن الانشغال بالوقف لتحقيق السعاده لان السعاده تكمن في تخليص الناس من عفاريتهم (نفوسهم الشريره) و ازاي كان بيعمل كده للفقراء اللي نفسهم في الشفاء و لكن لا يملكون ثمنه و كان بيفكرهم بمزايا الجبلاوي التانيه غير الوقف و القوه و الجاه اللي هما نسيوها هنا برده الكاتب شدني اسلوبه في رمزيته للعشاء الاخير و ازاي صور الخيانه من جانب ياسمين بدل قصه (يهوذا) و هروب اصدقاء رفاعه لحظه القبض عليه و موته و هو يستغيث بالجبلاوي الكاتب هنا كان عاوز يدخل فكرته ان اصحاب رفاعه هما اللي اخدو الجثة باليل و ان الناس اصحاب الحي اعتقدو ان الجبلاوي هو اللي شال الجثة و دفنها بايده في حديقة البيت الكبير
بس برده محبه رفاعه مش خلت الرفاعيين جماعه ليهم حق في الوقف و لكن انتقام نابوت علي !!
قصة قاسم (محمد)
ازاي الكاتب مثلها انه بيجمع بين رفاعه و جبل صور احداث رمزيه كتيره زي الهجره و جوازه من قمر و حتي من بدريه ذات 12 عاما
و ازاي كان هدفه انه يقضي علي الفتونه و يوزع الوقف بالعدل و كسب شعبيه هائله في الجبل و حشد ناس للهجوم علي الحي
كان همه يبقي الوقف للكل لا غالب و لا مغلوب
الجزء ده عموما بينتقد ليه الجبلاوي بيختار ناس و مش بيحقق العدل بيده !!
عرفه
ده العلم بلا شك اللي شبهه بالسحر
عرفه كان رافض الفخر بجبل و رفاعه و قاسم لان الفخر من غير شغل و لا يسوي كان بيعتقد انه بالسحر هيبني جنه الجبلاوي علي الارض
لم ادري رمزيه الكاتب في موت الجبلاوي اهي حقا ترمز لقتل العلم للدين او لفكره الالوهيه !!
لم ادر ي ايضا رمزيته في تخيلات عرفه بالعجوز و هي تخاطبه امام السور ان جده مات راضي عنه اهي ترمز ان كل ما مر به جبل و رفاعه و قاسم تخيلات ايضا !!
رمزيه وقوع عرفه في ايد الناظر و استغلال العلم في السياسه و السلطة و التحكم بعد موت الجبلاوي اعجبتني حقا
عرفه كان عاوز باخر الموت بتعزيز قيمه الحياه و تحسينها لكنه فشل و اتقتل !
و بعد كده يجي حنش العلم و القيم المجرده بدون توجهات لا سياسيه و لا دينيه ليحشد الناس و يحقق لهم السعاده
بدون الجبلاوي ولا جبل و لا قاسم و لا رفاعه
مشكله الكتاب مقسم الموضوع لقصص قصيره ده في حد ذاته بيقفل التشويق لمده لحد ما تندمج في الاحداث
الرمزيه رائعه ولو ان بعض القصص مكرره بالنسبة لي