الرواية الكليشيه رقم واحد في مصر والوطن العربي .. عايزني أكتبلك كلام أكاديمي وبتاع .. كلام بتاع بناء السيناريو وإسلوب السيناريو .. تكوين الشخصيات و نقاط الحبكة والعقبات اللي بتقابل البطل ..حاضر عينيا لكنها ماتستهلش .. هلخصلك أي عمل عايز تنجحه في كذا سطر منقولين بتصرف من ورشة أفلامجية :
"
الفصل الأول
الفرشة...بيكون فيه المعلومات الأساسية عن الابطال وبنشوف فيه حياتهم العادية.
حدث غير اعتيادي يوجه البطل ناحية المهمة (الرحلة)
حدث يجعل البطل يوافق علي المهمة
Plot point one حدث يقلب حياة البطل رأسا علي عقب يدخله في رحلة غير اعتيادية يتعلم منها شيئا يغيره.
الفصل الثاني
بداية الرحلة (المهمة او المغامرة)
Turning point نقطة تحول رئيسية
نقطة تحول تؤثر بقوة عاطفيا علي البطل
و نقط التحول بتبقي كتير في الفصل ده عشان ده اللي بيدي للرواية معني ودفعة لقدام .. الحياة صراع !
البطل يخسر كل شئ .. .منتهي اليأس ...لا أمل في النصر
Plot point two- حدث مؤثر رئيسي -يعود الأمل.
الفصل الثالث
وده الي بيكون البطل اتغير فيه
البطل عرف من هم اعدائه واكبر مخاوفه وقرر أن يواجههم
البطل يحقق هدفه
- The End نهاية الفيلم (الأبطال اتجوزو – انتصر )...يعني قفلة الفيلم زي ما انت شايفها ككاتب
"
مشّي بقي الخطوتين دول علي الرواية هتلاقيهم كوبي بيست بالظبط !
وده بناء السيناريو _رواية_ سميها زي مانت عايز .. إسلوب السيناريو بقي وكلمات البتاعة دي وألفاظها عشان بقت زفت رواية فلازم تتدقق فيها.. سيناريو كلاشيه من الدرجة الاولي .. حوارات مبتذلة .. لغة عربية خرة _لامؤاخذة_ رواية مفيهاش روح ..ده فيلم أفريكانو أنضف!! .. رواية تعطي شعور البيض اورجانيك .. ياراجل في حد لسه بيكتب سيناريو يقول فيه حاطط ايده في جيبه والايد التانية ماسكة في الستارة ووشه مضايق وببيبص للشُباك .. وأمه وراه علي الكرسي بتكلمه .. أشكري سرحان بُعث من جديد؟! .. طب بذمتكوا في حد لسه بيكتب لما حبيبته تموت يمشي في الشارع يصرخ وينزل علي ركبه و ورق الشجر يطير علي وشه .. ورق ايه ياراجل اللي بيطير في عز حر أفريقيا .. الراجل ده أهبل!! .. أي خري بينكتب :D
قمة في الكليشيه و الابتذال .. الراجل حط الخطوات دي قدامه وعمل اي بتنجان في الخلاط عشان يعمل قصة .. مال انا إن كان ابوه ناصري ولا بابا غنوج, بيقحم شخصيته وخلاص .. معلومة مالهاش اي معني ولا خدمت الرواية .. بيقحم اي حاجة في أي حاجة !
ماتقوليش الرواية في الستينيات ولازم تحس بالقُهر ده .. عمو اشرف قضي علي الفترة دي خلاص عمو فؤاد المهندس انتحر يا جدع .. الكلام كتير أنا عارف عشان كده حبيبت ألخصلكوا محتوي الرواية وشعوري تجاها لما خلصتها في فيديو تلت اربع دقايق ..إنما إيه لوووز عنب :D
****