هو أنا اللي فيا حاجة غلط والا الرواية !
أصل أنا كنت متوقعة هبقي مرعوبة ومش هقدر أقراها بليل زي ما دايماً بعمل
بس الحقيقة عكس كده نهاااائي
لا اترعبت ولا بطلت أقراها بليل !!
النسخة اللي قرأتها من الرواية هي الموجودة علي أحدي المنتديات واتحولت لـ بي دي أف
وبالتالي فيها غلطات كتير جداً واختلاف حتي في اسم البطل في بعض الجُمل
فـ انا جنبت كل ده علي أعتبار إن أكيد الرواية المطبوعة منقحه من كل الأخطاء دي
لكن اللي حسيته في الرواية دي
إن لغة الرواية نفسها كانت محتاجة تكون أقوي وخصوصاً مع الفكرة المهمةاللي الرواية بتتكلم عنها وهي عالم الجن والسحر
في أجزاء حسيت إنها بطيئة جداً
وأجزاء تانية العكس
من أهم الأجزاء هو موضوع الراجل صاحب الكشك
وموقف حامد صديق البطل
و لحظة كشف الخدعة كلها علي مر السنين
النهاية كانت مُحبطة شوية
بس هي ماشية علي منطلق اللي يلعب بالنار !