الابن ضيف مطول شوية فبقي كأنه صاحب بيت طيب ليه أصلًا اعتبره ضيف؟ وليه اعتبره ضيف صاحب بيت؟‏ ‫ ‏اعتبره ضيف عشان أحسن معاملته، وأشبعه، وحط تحت كلمة أشبعه دي ألف خط أشبعه حب وحنان، أشبعه حضن، أشبعه تفهم، أشبعه تقبل ونخلي بالنا اللي ماشبعش من الحاجات دي "بيتسولهم" بعد كده. آه كلمة كبيرة، بس هي دي الحقيقة. والمتسول أوقات بياخد حاجة نظيفة، بس الأغلب بياخد بواقي، وفُضل الناس. ولو ماتسولش بيتحول من إنسان طبيعي على الهيئة اللي ربنا خلقنا بها لحجر أو أشد قسوة.‏ ‫ كمان أشبعه راحة وقلة شيل ‏الهم، أشبعه سعادة وقلة حزن، أشبعه ضحك وابتسام