يؤسفني أقول لكم إن الإنسان كائن أساسًا ضعيف، على رأي المعلم عبد الملك زرزور.‏

‫ ‏الإنسان نازل على الأرض دي ببرمجة عليها الضعف كجزء أساسي وحتمي من وجوده!‏

‫ ‏فهو ضعيف قدام الأرض والطبيعة والفضاء..‏

‫ ‏ضعيف قدام الزمن والمجهول..‏

‫ ‏ضعيف قدام أفكاره واحتياجاته!‏

‫ ‏الإنسان كائن محدود وضعيف الإمكانيات قصاد الحياة، وعشان كده القوي مش اللي بينكر الضعف، إنما اللي بيستوعبه ويتعامل معاه..‏

‫ ‏على عكس الضعيف اللي بيقاوم ضعفه الإنساني، فتكون النتيجة ضعف مضاعف!‏