وانت مولود بين ضلوعك شاب ثاير
ثورة تلهم قُطر كامل.. م اليمن حتى الجزاير
وانت بتحارب بنضبك ناس معاندة
ابقى سلّمني الأجندة
أو تخلّي الورثة بعدك يدّوهانى
ما احنا خارجين.. والله عالم
مين هيرجع فينا تاني
مين هيبقى صورة منشورة في جرايد
جنب منها شريطة سودة
مين قصاد ضرب البنادق
ينكتب له الليلة عودة
ابقى سلّمني الأجندة
اللي بتخليك تنادي في يوم بلادك تبقى جامدة
واقفة على رجليها صامدة
ضهرك العريان في سقعة ليلة باردة
أرضك الطاهرة لحافك
ابقى سلّمني الأجندة
مشاركة من [email protected]
، من كتاب
