دي مُدرِّبة Pilates وZumba في جيم مشهور أوي، كُنت بروحه ساعات».

‫ انقبضَت ملامحي وأنا أتنهَّد، لاحظ كريم بيه الضيق الذي اعتراني، فسألني: «مالَك يا سعيد؟»

‫ أجبتُه بنفاد صبر: «أنا لسَّه مش عارِف الأولانيَّة، ألاقي زوربا كمان؟ وبعدين زوربا دا مش كان يوناني بايِن؟ واتعمل فيلم؟»

‫ قهقه كريم بيه وقال: «إنت تقصُد (Zorba the Greek) بتاع (Anthony Quinn)، وآه دا كان يوناني عادي، لكِن هي تقصُد رقص الـ Zumba، ودا موضوع تاني خالِص، دا نوع من أنواع الرقص اللي شبه التمارين الرياضيَّة، المُعتمِدة على خلط الرقص والتمارين، وبيتعمل على مزيكا عالية أوي».

‫ سألتُه بارتباك: «رقص؟ في الجيم؟»