كلنا بلا استثناء بنلف في الدواير. والدنيا تلف بينا! كل الناس والنباتات والحيوانات بيلفوا في دواير، لأن الدايرة هي الأسلوب العبقري في ضمان الاستمرارية وعدم التجديد. كل حاجة مربوطة ببعضها قوي. كل حاجة حصلت قبل كده ومش جديدة. كلنا بنعيد نفس الأخطاء ومابنتعلمش من اللي قبلنا. احنا اتخلقنا كلنا بسناريوهات محفوظة. وكلها بتحصل لنا كلنا كأننا شخص واحد المشكلة ـ أو العبقرية ـ إن ربنا خلق الدواير دي أوسع مما يمكن لعقلنا الصغير إنه يدركها. دايرة كبيرة قوي. ماينفعش تركز في تفاصيلها أو تلمها، إلا لو عشت في دواير كتير قوي وفضلت فاكر تفاصيلها. يمكن عشان كده ربنا خلقنا بننسى.