اقتباسات محمد طه

فإن الطلاق/ الانفصال بيكون أصعب على الرجل- في أحيان كتير- من الست، وبيقاومه حتى آخر لحظة..

‫ «جو» شاف وحس وسمع كل الرسايل المؤذية اللي وصلت «٢٢» من ناس كتير جدًّا الرسايل اللي غرست ورسخت فيها إنها «مش كفاية»: «انتي دايمًا قراراتك خاطئة». «إنتي متسرعة». «انتي هتفشلي في حياتك». «إنتي أنانية». «ماحدش هيحب يعيش

خليك عارف دايمًا إن قبول الخطأ صواب.. وقبول الضعف قوة.. وقبول الفشل نجاح.. يعني تقبل نفسك كلها على بعضها بكل ما فيها، وبكل ما سيكون فيها..

الذكورة هي الجنس.. الرجولة هي السلوك..

‫ الذكورة هي البيولوجيا.. الرجولة هي الموقف.

‫ معروف عن الرجل الشرقي إنه رجل شهم، وشجاع، وغيور.. يحمي أهله وبيته بعُمره.

صدر له ثلاثة كتب باللغة العربية: «الخروج عن النص»، و«علاقات خطرة»، و«لأ.. بطعم الفلامنكو».

كلُّ كلمةٍ هنا تحتملُ الخطأ والصَّواب.. وتخضعُ للنقد والتفنيد.. ويُؤخذ منها ويُرد عليها.. وليس لها أيُّ هدفٍ سوى نشر التوعية النفسيَّة باستخدام لغةٍ سهلةٍ ومفرداتٍ بسيطةٍ، اجتهدتُ في فهمها واستيعابها وتوصيلها قدْر المُستطاع.

‫ المؤلف

مش من حق أي حد يحددلك اختياراتك.. ولا ياخد قراراتك بالنيابة عنك.. ولا يخليك تشوف بعينيه أو تسمع بودانه أو تبقى مشروعه الاستثماري الرابح.. أو تحقق حلم حياته اللي ما حققهوش..

⁠‫أنت كائن مستقل بذاتك.. حر.. ومختار.. ومسئول..

‫ بنطفيها.. لأننا خايفين نتحرق من نورها..

‫ بنهينها.. لأننا مرعوبين من إحساسها بكرامتها..

‫ بنخنقها.. لأننا مش قادرين نستحمل انطلاقها وحريتها..

الأنوثة هي الإبداع..

⁠‫هي الإلهام..

⁠‫هي الحرية..

⁠‫هي الوجود..

⁠‫والجمال..

⁠‫والنور..

⁠‫هي لمعة العين.. ونبضة القلب.. وشهقة الدهشة..

روشتة «استحقاق النفس»..

⁠‫R/ أنا مش ربنا، أنا بشر باغلط وباضعف وبافشل.

⁠‫R/ أنا أستاهل أتحب وأُتقبل و أُحترم من غير شروط.

⁠‫R/ كل يوم فرصة جديدة وأمل جديد.

⁠‫R/ مش هاكون غير نفسي ومش هافصَّل نفسي على مقاس حد.

⁠‫R/ هاستبدل «أنا مذنب» بـ

أعتقد إن أعظم حاجة ممكن تحصل جواك لما يزيد سنك ووعيك وتجاربك.. هي إنك تتحرر من سجونك العتيقة الخفية، واحد ورا التاني..

الكتاب جمييييل جداً

واللغة المصرية العامية زادته جمالاً 💕

الكتاب خفيف وعميق وممتع جداً

الدكتور محمد طه رائع 👏🏻

"الشخص الذي تحبه لا يحمل لك أي مشاعر حقيقية. كل ماتراه في عينيه ماهو إلا إنعكاس لمشاعرك أنت.. "

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

حياتنا مليانة نصوص مُكرّرة وسيناريوهات محفوظة..

⁠‫من أول نص الأب والأم.. بِتاع اسمع الكلام.. وما تعليش صوتك.. وما تقولش لأ.. وما تزعلنيش علشان تبقى شاطر.. واشرب اللبن علشان تدخل الجنّة..

إحنا بنختار اللي إحنا مصدّقين إننا نستاهله..

⁠‫بنختار.. اللي إحنا مصدّقين.. إننا نستاهله..

والأمل دايمًا محتاج حاجتين: إنك تصدّق إحساسك.. وإنك تكون مُستعد للمخاطرة.. علشان الأمل مُخاطرة..

"ونقعد احنا ندرس ونتعلم ونحط نظريات.. ويجي الفن في جملتين غنائيتين يلخص كل حاجة."

مهم يوصل للطفل من أمه في المرحلة دي رسالة واحدة بسيطة جدًّا. مفادها «وقت ما تحتاجني. هتلاقيني». يعني وقت ما يحتاج يرضع. يلاقيها موجودة. وقت ما يحتاج يتحضن يلاقيها متاحة. وقت ما يحتاج ينام بين إيديها. يلاقيها حواليه. مُهم يوصل

المرحلة الأولى اسمها «المرحلة الفمية»، وهي من وقت الولادة حتى سن سنتين..