ودي برضه رسالة الفصل ده..
الفَقْد حق..
الحزن حق..
قبول الفَقْد.. نجاة..
قبول الحزن.. حكمة..
و..
قبول الموت.. حياة..
اقتباسات محمد طه
اقتباسات ومقتطفات من مؤلفات محمد طه .استمتع بقراءتها أو أضف اقتباساتك المفضّلة.
اقتباسات
كن أول من يضيف اقتباس
-
مشاركة من Hend Reda🖤 ، من كتاب
علاقات خطرة
-
أما اللي بيقرر إنه يقبل.. ويستحمل.. ويكمل..
فده هو اللي قرر «يحيا»..مش بس «يعيش»..
ودي أعلى درجة من درجات النمو النفسي.. واسمها - للمفاجأة- «الموقف الاكتئابي»..
مشاركة من Hend Reda🖤 ، من كتابعلاقات خطرة
-
جرب تقول كده:
أنا أستاهل أعيش..
وأستاهل أفرح..
وأستاهل أتحب..
وده حقي..
مشاركة من Hend Reda🖤 ، من كتابعلاقات خطرة
-
حائط الصد الصلب ضد الذهان والفصام والجنون، بالرغم من نجاح بعض الطرق الأخرى، هو إنك تصدق إنك تستاهل تعيش، وتستاهل تفرح، وتستاهل تتحب.. وإن ده حقك..
مشاركة من Asmaa Khater ، من كتابعلاقات خطرة
-
زي ما الأفراد ليهم تاريخ من النمو النفسي.. وأشكال من التثبيت والنّكوص عند درجات مُختلفة من سلم النضج الإنساني.. المجموعات كده.. والمُجتمعات كده.. والشعوب والأمم كده.. في علاقتهم بنفسهم، وبغيرهم.. وبربنا..
مشاركة من nahed ، من كتابالخروج عن النص من جديد
-
فيه احتياج عام عند البشر جميعًا اسمه «الحاجة إلى الشوفان» (Need to be mirrored)، يعني إنك تحس من الآخرين اللي حواليك إنك متشاف. إنك موجود. إنك مُهم. إن وجودك ليه معنى وقيمة وتأثير عند الآخرين. كلنا مولودين بهذا الاحتياج.....
مشاركة من nahed ، من كتابالخروج عن النص من جديد
-
إحنا بنختار اللي إحنا مصدّقين إننا نستاهله
مشاركة من Mina Nabil ، من كتابعلاقات خطرة
-
ما تصدقش كل حاجة إنت مصدّقها..
مشاركة من Bella ، من كتابعلاقات خطرة
-
قبول الضعف.. قوة..
وقبول الفشل.. نجاح..
وقبول الحزن.. حكمة..
قبول الموت.. حياة..
مشاركة من Bella ، من كتابعلاقات خطرة
-
أمل معجون «بالحزن»..
مشاركة من Bella ، من كتابعلاقات خطرة
-
العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي..
مشاركة من Susan Mohamed ، من كتابعلاقات خطرة
-
ولو كان الحل.. هو أن أزين كلامي.. وأزيف نفسي.. فده السجن.. اللي مش هينفع أتسجن فيه أبدًا..
مشاركة من عبدالرحمن ع. الطناني ، من كتابالخروج عن النص من جديد
-
هاختم الفصل ده بجُملة شهيرة للشاعر مُريد البرغوثي:
«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..
مشاركة من Dunia Alhasan ، من كتابذكر شرقي منقرض
-
أنا في مُمارستي الإكلينيكية باسمع ستات بتقول لبناتها: «ما ترديش على جوزك.. ما تعلّيش صوتك على صوته.. ما تناقشيهوش.. انتي مش من حقك تحاسبيه على أي حاجة.. هو الراجل.. انتي شغلك البيت والعيال وبس.. انتي مش زيك زيه»..
وباسمع جُمل من قبيل: «لو بص بره.. شوفي نفسك مقصرة في إيه».. «خدي بالك من نفسك، حتى لو هو ريحته تقرف».. و«خليكي عارفة.. ماعندناش حاجة اسمها طلاق»..
مشاركة من فاطمه ، من كتابذكر شرقي منقرض
-
الراجل اللي بيلبّس مراته دور الأم.. ويدوّر على واحدة بره البيت تلعب معاه دور الزوجة.. هو طفل صغير لم يتجاوز ثلاث سنوات من العمر.
مشاركة من فاطمه ، من كتابذكر شرقي منقرض
-
بافكّرك تاني.. إن كل الأطراف مسئولة بدرجة أو بأخرى.. مافيش ضحية وجاني.. فيه حد ظلم.. وحد سمح بالظلم..
وحتى اللي ظلم..
هو نفسه اتظلم في يوم من الأيام.
مشاركة من فاطمه ، من كتابذكر شرقي منقرض
-
لو خُيّر الذَّكَر الشرقي بين دينه وذكوريته.. لاختار ذكوريته دون تردد..
مشاركة من Randa Makhamreh ، من كتابذكر شرقي منقرض
-
بننفخهم هواء مُلوَّث عطن.. ونُطلق أيديهم ليختالوا ويتطايروا بيه في سماء النرجسية والغرور..
مشاركة من Randa Makhamreh ، من كتابذكر شرقي منقرض
-
الحكاية دي بتفسر ليه ستات كتير في مجتمعنا بيصبحوا أكثر قسوة على ذواتهم وعلى الإناث بشكل عام من الذكور أنفسهم.. لدرجة إنهم بيبرّروا ليهم كل اللي بيمارسوه ضدهم همَّا شخصيًّا.. وبيدافعوا عن ظلم الذكور وقهرهم للإناث بشكل غريب ومُدهش وغير منطقي.. يتهموا بني جنسهم بالعُهر والفجور، وأحيانًا بالكفر، لما يحاولوا يقولوا للذكور من هذا النوع «لأ».. يطلبوا منهم الذل والخنوع والخضوع للمنظومة الذكورية الفاشلة بلا أي عقل أو تفكير أو فهم.. وأي واحدة تخرج عن هذا المألوف..
مشاركة من Hajer Ahmed ، من كتابذكر شرقي منقرض
-
ثقافة تحتقر المرأة، وتهين وجودها، وتراها خطر.. وعار.. ومشروع فضيحة.. وتعتبرها سبب للفتنة، وللتحرش، وللفساد، وللعنف كمان.. فالمرأة هي المتسبب دائمًا.. وهي المتهم أبدًا.. في أي اعتداء أو جريمة أو مشكلة تخص الجنس أو العِرض أو الشرف.. من أول «إيه اللي وداها هناك؟»، لغاية «سينتهي الغلاء حينما تتحجب النساء»!!
مشاركة من Hajer Ahmed ، من كتابذكر شرقي منقرض