رواية يصعب تصنيفها داخل نوع واحد، فهي مزيج بين الرومانسية والتاريخ والسياسة والعلم والغموض لتشكل في النهاية لوحة متكاملة لا تُشبه سوى نفسها

الرواية مش مجرد قصة عن النفط أو الشغل دي رحلة في أعماق النفس البشرية عن القدر والحب،والخيانة والطموح

فيها لحظات رومانسية مليانة شجن وصدق، خصوصًا لما يتكلم الكاتب عن فكرة "الروح اللي بتدور على نصها التاني" وعن الحُب اللي بييجي فجأة من غير منطق أو سبب.

كمان فيها جانب إنساني جميل عن معنى الصداقة وعن قلوب الناس اللي ممكن تديك الأمان أو تدوس عليك من غير ما تحس

الكاتب كمان استخدم خلفية تاريخية قوية فيها إشارات واضحة لفترة حساسة من تاريخ مصر، مع عرض لتأثير القوى الأجنبية، وكأن الماضي بيعيد نفسه في الحاضر

الجزء العلمي كان مميز جدًا، واضح إن الكاتب عمل مجهود كبير في البحث، خصوصًا في شرح عمليات استخراج الزيت الخام وطريقة عمل الحفارات، واللي دعمها بصور توضيحية أضافت واقعية وجاذبية للمحتوى

تبدأ القصة في القرن التاسع عشر مع إدوين، الشاب الذي يقف على أعتاب مقابلة عمل ستغيّر مجرى التاريخ، حين يكتشف طريقة ثورية لاستخراج الزيت الخام بكميات ضخمة. ثم ينتقل بنا الكاتب إلى مصر زمن الخديوي توفيق وأحمد عرابي، في مشاهد سياسية تاريخية متقنة، قبل أن يعود بنا إلى الحاضر مع حسن عبد الكريم، المهندس الذي يفقد عمله ليجد نفسه في مغامرة غامضة بالجزائر، بين العلم والمؤامرة والمشاعر غير المتوقعة.

الرواية تمزج بين الواقع والخيال، والعلم والعاطفة، والسياسة والقدر، لتترك في ذهن القارئ تساؤلات عن الحب، الطموح، والخيانة، وعن القلوب التي يوجّهها الله كما يشاء

الرواية بتتكلم عن الطموح، والحب، والخيانة، وعن الناس اللي بنقابلهم في حياتنا، اللي ممكن يبانوا طيبين، لكن في وقت الجد يورّونا وشوش تانية تمامًا.

اللغة بسيطة وفصحى مفهومة، السرد متوازن وممتع

العنوان والغلاف مناسبين جدًا ومعبّرين عن مضمون الرواية النهاية كان ممكن تكون أعمق وأكثر تشويقًا

بعض الفصول احتاجت إيقاع أسرع قليلًا.

لكن في المجمل "الأقدام السوداء" رواية بتخليك تعيش أكتر من حياة، وتتنقل بين عصور وأفكار ومشاعر وتخرج منها بإحساس جميل إنك قرأت عمل فيه فكر، ووجدان، وحب للحياة حتى النهاية

#أبجد

#الأقدام_السوداء

#محمد_فايز_حجازى

#بوك_زون