هو الكابوس ممكن يبقى الطريق الوحيد علشان تنقذ اللي بتحبهم؟

رواية: كوابيس قبل النوم – الجزء الثالث (الجُحر)

الكاتب: عبدالرحمن حجاج

الدار: دار الرسم بكلمات

طريق القراءة: أبجد

نبذه

في الجزء الثالث، "الجُحر"، يونس بيحاول يعيش حياة طبيعية مع مراته وأولاده لكن حياته بتنقلب لما بتنخطف بنته، وعلشان ينقذها لازم يدخل عالم "الجُحر". وهناك بيكتشف إن الطريق الوحيد لإنقاذ بنته هو الدخول لعالم الكوابيس… وهناك، بتبدأ رحلة كشف الأسرار اللي كانت مستخبية من أول السلسلة.

في "الجُحر" بندخل مع يونس أعمق مرحلة من رحلته المظلمة. المكان مش مجرد فضاء غامض، لكنه متاهة نفسية وعقلية بتتجسد فيها أعمق مخاوفه وأثقل أسراره. يونس بيلاقي نفسه وجهاً لوجه مع كوابيس حية وكائنات غريبة بتجبره يواجه ماضيه المظلم.

الرواية هنا بتميل أكتر ناحية الفانتازيا المظلمة، وده بيخلي القارئ يعيش أجواء مش بس غموض نفسي، لكن كمان مغامرة غير مألوفة. كمان الكاتب بيربط أحداث وشخصيات من الأجزاء السابقة وأعمال تانية ليه، وده بيخلي العوالم متداخلة بطريقة مثيرة.

---

✨ مميزات الجزء الثالث:

بيجاوب على أسئلة كتير اتطرحت في الأجزاء الأولى.

فيه تصاعد أكبر في الأحداث وأجواء أشد قتامة.

بيخلّي القارئ يختبر رحلة عقلية ونفسية مخيفة كأنها حقيقة.

الأسلوب بسيط لكن مشوّق، يخليك مش قادر توقف القراءة.

🔹 رأيي في الرواية ✨:

الجزء ده كان أكتر جزء شدّني! الأحداث أسرع ومليانة مفاجآت وplot twists خلوني مش عايزة أسيب الرواية من إيدي. السرد والحوار كالعاده ممتازين جدًا، والكاتب عرف يوازن بين الغموض والإثارة بشكل يخليك عايش جوّه الأحداث. أكتر حاجة عجبتني إن النهاية مفتوحة، واللي بيأكد إن يونس لسه قدامه مغامرات تانية… وأنا شخصيًا منتظراها بفارغ الصبر!

التقيم

5/5

❞ "الانتقام عامل زي القهوة، لازم يتعمل على نار هادية عشان يطلع مظبوط".‏ ❝

‏