فى العدد الخامس من سلسلة إكس، بنقابل أبطالنا كالعادة وهم بيحاولوا يحلوا قضايا مثيرة بالتعاون مع الشرطة بس بشكل غير رسمي.
قضية العدد المرة دي كانت كالعادة مرتبطة بالتكنولوجيا الحديثة، وبالذات برامج الذكاء الاصطناعي اللي تطورت لدرجة إنها بقت تقدر تتحكم في تصرفات البشر!
عجبني جدًا إزاي الكاتب بيربط بين التكنولوجيا والجريمة، وإزاي لمح لمشاكل إجتماعية بشكل ذكي وسريع .
كمان إستخدامه لترند اللابوبو كان موفق جدًا وأضاف عنصر إثارة حلو للقصة.
أما النهاية، فكانت مفتوحة وسابتنا نفكر: لحد فين ممكن يوصل الذكاء الاصطناعي؟ وإيه ممكن يحصل لما يتخطى حدود السيطرة؟