اسم العمل: انتروبوفاجيا

المؤلف:هيثم موسي

عدد الصفحات:287

التقييم:⭐⭐⭐⭐⭐

كابوسية كارثية ،الرواية متعبة للروح ومؤلمة جدا لوصفها الدقيق للمعاناة وفقدان الآدمية

تدور أحداث الرواية في" زقاق أُترُجة "حيث يسكن الناس فى هدوء وترابط كأنهم عائلة واحدة فى حقبة الحكم الفاطمى تحت ولاية الخليفة المستنصر بالله حتى يبدأ الصراع الداخلى ويتدهور احوال البلاد والعباد ،و تبدأ سبعة سنوات مظلمة هى الأسوأ في التاريخ (الشدة المستنصرية)

ماذا يدفع بالإنسان ليقتات على لحم أخيه وأبيه وابنائه حى أو ميت؟

كيف يتحول إلى وحش ينهش ويزهق الأرواح ويستبيح الحرمات دون رحمة ؟

إنها غريزة البقاء ،الجوع اسوأ ما يمر به الإنسان

الجوع اقوى الشهوات يمكنه أن يفقدك آدميتك وتأتى بأفظع الجرائم التي يأنف حتى الحيوان عن فعلها

أحقا كان هذا هو الحل الوحيد للنجاة ام أنه الاسهل ام انها ثقافة القطيع ؟؟

طوال السطور اطرح هذا السؤال ويتبعه سؤال اخر هل يحق لى أن أسأل وانا خارج الفتنة ؟؟؟

الشخصيات

"أم البراءة" هل يحول الجوع الإنسان كليا ؟؟ هل تتحول الرحمة إلى الغدر ؟

"بيجاد" و"غرير" النقيضان

"الشيخ صالح " صوت خافت يحاول أن يسمعه الغافلين

"الناصري" المال والجاه لن يفيد إنما الإحسان يبقى.

"عبد الرزاق " عندما يفتك بك الجوع والفقر معا حتى تأكل نفسك بنفسك لتبقى

اسلوب الكاتب الشيق والرائع "ملك المرواغات والتغفيلات" يخليك تندمج وتصدق وتمشي مع سير الأحداث وفى النهاية يخدك حتة تانية خالص ودى شطارة بحب الكاتب اللى يخالف توقعتى بيخلينى طول الوقت واخدة بالى من التفاصيل علشان ما اتغفلش 😅

غرير بن مالك الكردى (من اول ما ظهر مش مرتاحة ليه)

بس طبعا استاذ هيثم كل ما اشك فيه يطمنا انه مسكين واتعرض لطفولة غير سوية ويخلينا نتعاطف معاه وانه ملاك

بتسوحنا ياباشا 😂😂😂

عايزة اكتب عن تغفيلاتك بجد بس خايفة احرق الرواية للناس 😅😁

مفيش حد طيب فى روايات هيثم موسي ياجدعان متصدقوش 😅😅 هو الشيخ صالح بس وطلع مغفل كبير

وراح للذئب بنفسه يسلمه العيال وباعت يوساب يتأكد من صدقه 🤦🏻

وانا اللى صدقت و اتاثرت من مشهد موته ويطلع بيتخيل 😫

لحد النهاية وعندى أمل أن بيجاد يرجع ويلاقى أخواته (لكن نهايته رغم أنها مؤلمة لكنها حقيقية اكتر