مين مش ناصب نفسه قاض 👨🏻⚖️
يحكم على الناس من الظاهر
بنشوف من على الوش ونطلق أحكام مش صح
بنقرر مع نفسنا مين ظالم ومين مظلوم من مجرد سمع الحكاية من طرف دون الآخر
بنقلب الآية ساعات ونطلع المظلوم جشع فى بعض الأحيان ما هو اللى ما يعرفش يقول عدس زى ما قالوا فى الأمثال.
طيب تخيل بقى بنفوسنا اللى مش عادلة وبتتحكم فيها أهواءنا وميولنا تقدر تنصب نفسك قاض فى يوم من الأيام
مهنة دايما كنت بشوفها من أصعب المهن
أن يكون مصير الناس فى ايدك تحكم على أفعالهم من شوية أوراق بتتقدملك مع التحريات بس ايه الضامن أنهم يكونوا تمام مش يمكن يكون فيه تزييف ولعب فى الملفات ده غير كمان شهود العيان مين أجزم أن كلهم تمام 👌 لأ دول اقسموا مفيهاش كلام 🤦🏼♀️ قالوا للحرامى احلف صحيح 🤷♀️
بطل روايتنا قاضى 👨🏻⚖️ مخطوف من قبل مجهول أو يمكن مجنون 🤷♀️ اتحط فى اختبار هبمارس مهنته اللى متعود عليها بقاله زمان بس من غير محكمة ولا تحقيقات ولا أوراق 📄
قدامك عدة أشخاص هتحكم على واحد منهم بنهاية الحياة
قاتل بالخطأ، مغتصب، محامى وبلطجى
طيب اسمع منهم التبريرات اللى وصلتهم لأخذ لقب الإجرام مش يمكن يطلعوا أبرياء وظلمهم المجتمع والناس
معندناش وقت للكلام والتحليلات، الوقت محدود معاك، خد قرارك ونفذ حكمك قبل فوات الآوان وإلا هيتم اختيارك أنت كبش فداء..
تفتكروا " مراد " هينفذ عشوائى حكمه وخلاص و ينقذ حياته ولا هيبفضل على مبادئه والحفاظ على قسمه ويتحايل على اللى خطفه ويساعد الأشخاص..
ايه حكاية المتهمين دول بالذات … طيب ليهم علاقة بالخاطف من الأساس🤷♀️
رواية عايزة تركيز علشان هتلف دماغك من كتر التفاصيل مكتوبة بشطارة بس أرهقتني بصراحة 😄
طريقة الكاتب حلوة ولغته قوية كنت حساها بس تقيلة شوية على الرواية محتاجة تبقى سلسة أكتر لأن الرواية تفاصيلها كتير وزى ما قولت محتاجة تركيز علشان تعرف تربط الاحداث .. فبالنسبة ليا يا أركز فى اللغة يا أركز مع اللفة والفرهدة 😄
تجربة أولى مع الكاتب عجبتنى فكرتها 💙
📌ليس هناك فاعلية مثالية لأي نظام، سواء كان نظامًا قضائيًا، أو نظام مرور، طالما أن العامل البشري موجود في المعادلة. إما أن يكون هناك توافق مجتمعي على الالتزام، فيخشى المذنبون من التنديد والفضيحة، وإما أن يكون هناك مراقبة مستمرة، وعقاب صارم، فيهاب المخطئ مغبَّة تعدِّيه على حقوق المواطنين.