#مسابقة_قراءات_قبل_المطبعة #دار_الرسم_بالكلمات
اسم الكتاب : رقصة الثعلب الأبيض
الكاتب : هنا السكري
الناشر : دار الرسم بالكلمات للنشر و التوزيع
النوع : روايات إجتماعية
تقييمى الشخصى نجمه واحدة فقط
عدد الصفحات : ٤٤٦ صفحه على تطبيق أبجد طبعه ٢٠٢٤
بغلاف وإسم يتحدان فى الغموض وإثارة الإنتباه تتوسطه نجمة داوود يقف أمامه ثعلب أبيض اللون ستجد له دورا فى آخر الرواية بالتحديد فى أحلام البطله وبمقدمة غامضة بلاشك هى تعويذة سحرية وإهداء يضع على وجهك البسمة تدور أحداث الرواية فى إحدى قرى كفر الشيخ وعلى لسان بطلة الرواية نور وبأسلوب الفلاش باك موجهة ذكرياتها لرجل أصلع غامض و حيث العلاقات العميقه التى تجعل من القرية عائلة كبيرة وإهتمامات مشتركة ووضع إجتماعى متقارب تسلط الكاتبة الضوء على العديد من المواضيع وأهمها وأخطرها هو عالم السحر والجن والنجوم وعلى نقيضه عالم العلاج بالقرآن والأذكار وإدخال الدجل فيها كل على حسب تفضيلاته وهواه ولكن الاستخدام واحد فى كل احتياجات أهل قرية نور وأخطرهم البحث عن كنوز الفراعنه تحت البيوت مع تسليط الضوء على جوانب مهمة من حياتهم الاجتماعية ك تقديس الأخ الأكبر الخلف للوالد ، سفر الشباب للبلاد العربية ، إهمال تعليم البنات ، الشدة واستخدام العنف فى تربية البنات وعدد من العادات والتقاليد المميزة والاقوال الشعبية المأثورة.
الأيجابيات الكاتبة ١.ذات خيال واسع ومقدرة عالية على إنتاج الأفكار وصناعة روابط بينها ( هو بس محتاج يظبط شطحات عشان يبقى حلو ومقبول ) والقدرة على إنتاج استعارات مكنية وتعبيرات مجازية مختلفه مع تواجد مجهود ملحوظ فى الاطلاع على عوالم الدجل والشعوذة وتقاليد وخزعبلات واقوال شعبية مأثورة قديمة متواجدة بين أهل القرى .
السلبيات ١. عدد صفحات اكبر من المقبول بالنسبة لى ، التشتت والتوهان والمتاهات , وأفكار كتير ورغى كتير بلاطائل ، أخطاء إملائية ونحوية سهلة جذب الإنتباه ، ملل ملل ملل ، مط وتطويل وتفاصيل غير مهمه ولاتخدم الأحداث ولاتفيد فى جديد او مثير ، المعلومات كتير وكأنها مرصوصة رص تفتقد الطابع الأدبى ، تويستات كتير قوى ايه ده أنا غرقت منها، الشخصيات كتير بس مش عارفه اوصفهم الكاتبة معرفتش تخليهم يركزوا فى عقلى حتى محاولتها لتثبيت شخصية نور أو وائل أو حمزة أو الشحات باءت بالنسبة لى بالفشل ، مفيش جسم واضح للرواية ، المعلومات غزيرة عن عالم الجن وتفصيلات عن النجوم واستخداماتها بس مااستفدتش وماانبسطتش ، اللغه فصحى على عامية سببت خلل ماكانش فى انسجام بين استخدام الاتنين فى جميع الحوارات ، والعامية كانت صعيدى مش لغة كفر الشيخ ، مع انى بحب قوى الكلام عن كنوز الفراعنه وماحوله من غموض واشاعات بس للأسف ماانبهرتش، علاقة غريبة عجيبة بين نور والشحات وزيارتها فى الفجر ودخولها البيت ومشاهدتها لكل أعماله عجيبة ومش منطقية ، كلامها عن الفلك مع اولاد عمها مش كلام بنت فى خامسه ابتدائى حتى لو متفوقة ، فى كذا مشهد أثاروا استيائى ،والاتصالات المادية بين نور والشخصيات مستفزة ، والنهاية عجيبة ومفتوحة ويتبع .