بيقولوا علشان تبدأ على نضيف لازم تنسف حمامك 🚽 القديم 😁
قوم " صاحبتنا " تولع فى البيت 🔥 🏡
طيب ليه ⁉️
ما هو بيتها اللى عايشة فيه
مع عيلة كلاس وشيك
ليهم اسمهم وسمعتهم البراقة
لكن واضح أنها معاهم مش مرتاحة 🤷♀️
لحد ما تقلب المستأجرين الجداد وتحس معاهم بالراحة والأمان
الأولاد محتاجين اللى بسمعهم ويقدرهم
مش اللى يقلل منهم ومن تصرفاتهم
والغلطة اللى بيقعوا فيها كان ممكن تفاديها
وأما بقى بخصوص العيلة الكريمة فدول شايفين كل شىء ممكن شراه وممكن يدوسوا على الأخلاقيات ما هما مش متعودين يحطوا نفسهم فى حذاء 👟 الغير ، منزهين عن الخطأ ولا ايه
لو كل حد فيهم قبل ما يحكم وينظر كان حط نفسه فى الموقف كان هيلاقى حكمه غير ..
نيجى بقى للعيلة الدخيلة على " شايكر " سيتى اللى فى الأول كان مرحب بهم وتم التعامل معاهم بشكل ودى خاصة الأم المكافحة اللى كل هدفها تراعى بنتها وتكسب رزقها من غير مساعدة لكن معروف لما يحصل تعارض فى المصالح نبدأ نطلع القطط 🐈⬛ الفطسة وندعبس فى الماضى يمكن نطلع بشىء يشين الست المكافحة وندينها به
وكل ده علشان قالت كلمة حق معجبتش أهواء البعض 🤷♀️
وتتغير النفوس وتبدأ الأذية تطول صاحب اليد العليا فى الأمور
لكن اللى ماتعرفهوش أن هيجى عليك الدور ومن نفس الكأس 🍺 هتدوق فخليك رحيم فى أحكامك على الآخرين
🔖رواية اجتماعية نفسية أحداثها كتير تناولت مواضيع كتير
📌علاقات الأهل مع أولادهم ، التفرقة فى المعاملة
ياترى مصاحبنهم وعارفين كل حاجة عنهم
ولما حد فيهم يقع هيجرى يصارح أهله ولا هيدور على غيرهم يفضفض معاهم ويحكيلهم
📌اتكلمت عن موضوع التبنى وهل لو ظهر الأهل الحقيقين للطفل المتبنى وطالبوا بإبنهم ايه التصرف الصح من وجهة نظر كل طرف ( وماتحكمش غير لما تقرى - علشان أنا نفسى بعد ما قاريت معرفتش احدد موقفى فى الحالتين )
وغيرهم كمان كتير بس خلى بالك الرواية عايزة صبر وبال طويل لأن فى وسط الأحداث بتاخدك فى سكك كتير علشان تعرف أصل المواضيع
فـ لو أنت من أصحاب الخلق القصير فممكن تمل شويتين 🙋🏼♀️
#مكتبة_دنيا
#قراءات_٢٠٢٣