بنبدء احداث الرواية ب الطفل صامويل الي بيجهز هو و أسرته المكونة من والده و والدته و اخوه الكبير بطرس.. لرحلتهم الي مولد العذراء الي بيقام كل سنة.. و مدته ٧ ايام
رحلة بسيطة ممتعة و لا تخلوا من بعض الاسقاطات بيقدمها الكاتب ف عدد صغير من الصفحات
السرد في العمل بلغة عربية فصحي شديدة المواكبة لأجواء العمل.. بسيطة بها بعض الألفاظ المختارة بعناية عشان تضيف للعمل + حوار بلغة عربية فصحي كذلك مُطعم بيعض العامية و دا شيء برده كان ف صالح الرواية جدا ( ونقطة الحوار دي هتكلم فيها تحت)
وصف العمل كان بسيط و مقتصر ولكنه مش مقتضب.. مشبع للقارئ عشان يعرف يتخيل و يعيش اجواء المولد.. أشيد بنجاح الكاتب في نقل الاجواء و الثقافات الي ممكن تكون جديدة عليا ك شخص مسلم.. الاسواق و الاناشيد و دق الوشم خلطة جعلتني اعرف اتعمق في العالم
الشخصيات كانت تعتبر مقتصرة علي الطفل صامويل وهو الي كان بيسرد لنا العمل من عينه و وجهة نظرة و اخوه بطرس وهنا بقا ارجع لنقطة الحوار الي اتكلمت عليها فوق
وهي ان حوارات بطرس او طريقة تفكيره بتعتبر عن كتير مننا الشخص الي مش عايز يمشي ورا الموجة و خلاص مش عايز يعمل الي الناس بتعمله لمجرد أن الناس بتعمله.. المعلومة الي بياخدها مش بيدخلها مخه غير بعض تنقيح لافكاره هو وليس افكار مجتمعه ( علي رأي اخوه في العمل كان يوصفه بالمُحنك او الفيلسوف )😅 + ان الحوارات بين الشخصيات كانت فيها اسقاطات وليست مجرد حوارات لملئ صفحات
انا شايف ان الحوار من اقوي جوانب العمل...
تعلق صامويل بالحَمل بتاعه و انه مخه مش قادر يستوعب انه مجرد أضحية لشفاء امه المريضة كان جميل و معبر عن نقاء قلب الطفل و رحمته للحيوان + المشاهد الي بينه و بين المسكين كانت جميلة
لو عندي تعليق ع العمل ممكن يبقي من نصيب النهاية.. مش وحشة.. بل مفيش قارئ هينتظر من نمط العمل دا نهاية غيرها
بس كانت سريعة او غير واضحة شوية مش اكتر
الي هو انا قلت هو خلاص كدا؟!🤨
الخلاصة...
عمل سلس، بسيط، هتقضي معاه رحلة ممتعة و اشياء جديدة.. ممكن تفصل بيه بعد عمل تقيل او كبير ♥️♥️