روان الي بتدور علي شغل بسبب مشاكل مادية و شدة احتياجها للمال.. بتلاقي اعلان لاسرة عايزين مربية لأطفالهم بسعر عالي جدا
بتروح روان و تبدء شغل و معاها بتبدأ أحداث الرواية... الي بالتحديد بدأت ف السجن و روان بتكتب جواب لاحد المحامين و بتقول (انا بريئة.. انا لم أقتلها!!)
الرواية حلوة و نهايتها جميلة و الكتابة فعلا تستاهل لقب أجاثا كريستي جيلنا... بس.....
و حط تحت بس دشليون خط 🥲
مبدئا لازم اقول شكرا ع الترجمة لانها سلسلة و لطيفة جدا♥️💪
الرواية دي تقع في ٤٢٥ ص
و بالرغم ان المفروض اني داخل اقرأ رواية جريمة الا ان مفيش اي مثيرات بتبدء تظهر الا بعد ص ٢٥٠ و كلامي حقيقي
طب ازاي
طول اول ٢٥٠ دول وصف للبيت الي راحت في روان تشتغل مربية حلو جدا بس مش للدرجة
رسم الشخصيات كان كويس و في خلفيات تاريخية لبعض الشخصيات كانت مرسومة حلو جدا و لها بذرة أساسية في الحبكة بس برده مش لدرجة ٢٥٠ ص !!!!
العمل فعلا ممتع و مشوق بس خد طويل اووووي عشان يفرش لقصته الجميلة ذات النهاية الي حقيقي فيها كذا بلوت جامدين
الحق يقال في بعض المثيرات الي كانت بتظهر من وقت لآخر في اول ٢٥٠ ص بس مش مثيرات رواية جريمة لا... دي مثيرات رواية رعب حرفيا
و طبعا كل دا كان مدروس كويس و بيبان تفسيره ف الحبكة..
مش هنكر ان غعلا شرد الكاتبة ممتع برده و جمال الترجمة مساعد... الا ان في ممل جامد لحد ما توصل للأحداث النارية 🔥🔥
الخلاصة... عمل كويس جدا بحبكة ذات ألطوائية حريفة و بلوت ممناز بس كان محتاج يقلل مط ♥️