في كتب بعد ما تخلصها بتلاقي نفسك مش قادر تكتب عنها..
-حتكتب ايه عن شاب كلنا شوفنا الناس زعلت عليه قد ايه عند وفاته؟
-حتكتب ايه عن شجاعته في توثيق رحلته المؤلمة مع مرض السرطان؟
-حتكتب ايه عن لحظات كان يصرخ فيها من الألم و
ولحظات تانية بيكتب فيها عن ضعفه وخوفه بمنتهي الصدق؟
-حتقول ايه عن حبه لمراته و كلامه الرائع عن والده و ووالدته؟
-حتعبر إزاي عن وجع القلب في رسالته لإبنه الوحيد اللي كان نفسه يكبر قدامه؟
التجارب الإنسانية لا تقيم بنجوم أبداً وفعلاً مفيش حاجة تكتب ومفيش كلام يتقال بعد كل الوجع اللي موجود داخل صفحات هذا الكتاب..
محمد أبو الغيط كان متشبث بالحياة ولا يريد الاستسلام أبدًا لفكرة رحيله و جزء منه كان يتمسك بشدة بأمل كبير أن كل هذا سينتهي و ستتدخل يد ما لإنقاذه في اللحظة الأخيرة..
كان يسعي بلا حدود لأي وسيلة و بأي ثمن لكي يبقي مع عائلته ولو لبضعة أيام لا أكثر ولكنه في النهاية توفي عن عمر يناهز ٣٤ عاماً بعد أن خسر بشرف معركته مع السرطان...
يقول محمد في الكتاب إنه يرجو أن يري بعد وفاته نورًا وهدوءًا وأمنًا، وأن يكون في هذا الكتاب ما قد ينقب ولو ثغرة واحدة، ليمر منها بعض الضوء إلى من يقرأ...
روحه الطيبة كانت موجودة في كل كلمة و إستطاع بقلمه أن يضئ صفحات هذا الكتاب و بالتأكيد سيضئ قلوب كل من سيقرأه...
"هذه صيحتي: محمد أبو الغيط مرَّ من هنا .."
ما أصعب مرورك يا محمد...
الله يرحمه:(