رحلة مع ذكريات طفولة مش طفولة بطل الرواية ( عبد الله ) فقط لكن طفولتنا كلنا....
بيت الجدة ولمة العيلة ، سهرة الخميس ولمتنا حولين فيلم السهرة .. ريحة الشوارع وجو المدرسة ورجوعك منها متلهف على أكلة مامتك اللى بتشم ريحتها وانت طالع سلم العمارة وتبدأ تخمن ياترى الريحة الحلوة ديه طالعة من بيتنا ولا بيت الجيران ...
الجيرة وترابطهم فى الحلو والوحش وكأنهم عيلة واحدة ... أطباق رايحة وأطباق جاية كل بيت حاطط نفسه الحلو وحب وبيقدمهولك فى طبق 💙
بنت الجيران والحب الأول اللى متعرفش سببه بيبقى ايه هو براءة وحب من غير تقديم أسباب ☺️
الجدة وحبها لأحفادها المختلف عن حب الأم والأب ...
رواية ممزوجة بروائح تسعدك وتسترجع فيها أيام جميلة قى بيت أهلك ... وانت بتقراها هتحس بحاجتين يا هتبتسم وتسرح 😊 يا هتجوع 😁من كم وصف الاكل والتفنن اللى كان فى أهلنا فى عمايله 🥰
واضح أن حتى زمان كان للأكل طعم وريحة مختلفة مهما طلعت اختراعات جديدة فى ايامنا ديه وتزويق فى التقديم ... هيبقى أكل الأم والجدة مميز لأنه بستعمل فعلا بحب 💙
تانى رواية اقراها لعمر طاهر بصراحة غيرت فكرتى إلى حدا ما عن كتابات الكاتب ... ابتسمت طوال قراءتى لها واستعدت ذكريات طفولتى وتخيلت نفسى راجعة من المدرسة طالعة على السلم وبقول لأختى الله ايه الريحة الحلوة ديه اكيد من عند ماما 💙💙
ملحوظة : انا عدوة الأكل اصلا بس من كتر ما الرواية بتوصف اكلات زمان ... غيرت فكرتى عن الاكل وخايفة احبه 🤦🏼♀️😁