قارن بين احساسك لما تشوف امرأة منتقبة ماشية مع زوجها الملتحي في الشارع
واحساسك لما تشوف واحد وواحدة ماسكين ايد بعض في جنينة مثلا
ممكن النموذج التاني يخليك تقول يااااه أنا محتاج أحب وأتحب بالشكل ده هوا ده الحب اللي نفسي فيه
الرواية دي هتخليك تعيد نظر في النموذجين
هتشيل كل الأفكار السامة اللي اتزرعت في دماغنا عن حاجات جميلة زي الحب والرومانسية من التليفزيون اللي أثر في الواقع اللي حوالينا
هتعرف يعني ايه عفة ويعني ايه انسان حافظ علي نفسه لشخص واحد وربنا كافأه
هتعرف يعني ايه حب ربنا بيدعمه وبيحبه
الرواية دي حقيقي جميلة
قرأتها من سنتين ولسه فاكراها لحد دلوقتي كويس
أنا أول ما بدأتها كنت فاكراها بقا هتبقي مليانة وعظ واعمل ومتعملش وكده حلال وكده حرام
بس اتفاجأت انها حقيقي طلعت رواية دينية ورومانسية في نفس الوقت
علي الرغم من كمية الحزن اللي فيها
رحم الله منال ورزقنا حبا طاهرا عفيفا حلالا
