مبدأيا مش عارفة النهاية دي كويسة ولا لأ بس هي علي كل الأحوال مكنتش متوقعاها,,
نهاية قصة يوسف عجبتني , بس المفروض "أن أحدهما سيموت و الآخر سيعيش في عذاب بلا نهاية" ؟ يعني هو العذاب اللي بلا نهاية ده هو بس الذكريات اللي كانت بتعذب سوسن؟ ولا الكلام ده لو كان الشئ مرجعش للعالم بتاعه؟ دي نقطة مش لاقياها اجابة محددة..
الجزئين عموما عجبوني , بس الجزء التاني حسيت معاه بشوية ملل بسبب التكرار, بس ف نفس الوقت كنت كل مابقفل الكتاب بقعد أخمن اللي هيحصل و برجع اقراها تاني عشان اعرف,
رغم بعض النقط اللي معجبتنيش إلا ان القصة عجبتني و مبسوطة اني قريتها.