كنت مأجلة اقراه فترة كبيرة !
قريت اقتباسات منه ده غير ان كتابات عمرو صبحى على بروفايله ف فيس بوك عندى بتعجبنى .. بس الكتاب نفسه كنت خايفه اقراه:)
فتحته بالصدفه وانا بقلب فى الحاجات القديمة على اللاب بتاعى
فى الحقيقه ماتخيلتش انى هعيشه كده
معرفش هوه قدر انى اقراه وانا فى الحالة دى من الفوضى واللا منطقية واليأس وانا فى اخر عهدى بمنظومة كلية الطب !
بس هوه الكتاب اللى يخلينى ابتسم الابتسامه المريره دى مع كل عبارة بقراها يمكن الصدق اللى ف كلامه وتشابه الظروف ..يمكن!
وحشة الألم أن تتألم.. ولا تدري ما يؤلمك .. أن يسلمك الألم إلى الصمت.. ليحملك الصمت إلى مساحات أخرى
جديدة.. يكون الكلام عنها وفيها شيئًا سخيفًا .. حتى وإن عرفته، رفضت الحديث عنه، وإف تحدثت عنوه تحدثت لنفسك
فقط
هدوء مصطنع
أغوصُ في آخر مستنقعاتي الدراسية، وأقطع خطوةً أخرى على طريق
الخلاص..
محمود درويش يرفع صوته بأن "على هذه الأرض ما يستحق الحياة "
أحاول جاهدا بأن اصدقه
.. ولكن بلا جدوى .!
“لا أحد سيشعرُ بك حينما يرحل أبوك دون وداع، أو أن يوافيه الأجل وهو غيرُ راضٍ عنك، ..أو أن ينسحق إيمانك تحت ضغط الاحباطات المتوالية، أو أن تفقد صديق عمرك، .. القائمة طويلة .. هذه أوجاع لا ينفعُ معها التصبر بدفء الآخرين المؤقت، وتبدو أي كلمات للمشاركة مبتذلة مهما كانت بلاغتها”
عمرو صبحى اذا حصل فى يوم وقريت الكلام بتاعى عاوزه اقولك شكرا ... شكرا لانك من غير ما تعرف شاركتنى ف اصعب لحظات حياتى
شكرا لانك خليتنى اشيل التنكر غير المتقن للي جوايا .. شكرا لانك اخترتلى الكلمات اللى كنت عاوزه اقولها .. انك عرفتنى انا حاسه بايه رغم انى بعدها ازددت حيره .. ازددت حبا فى الحالة اللى انا اخترتها لنفسى الفترة دى
عمرو صبحى هقتبس كلمتك واقولك كلنا فى الوجع سواء :)
لو كنت وصلت للسكينة اللى كنت بتدور عليها اكتب عنها .. عشان احساسك بيها يمكن يغير حياة ناس حواليك
دكتور عمرو ^_^ ... شكرا وكفى :)
من اجمل واصدق ما قرات