ضلع الحزن ‫ الإنسان الذكي المفروض يفكر في الحاضر من غير جلد ذات، ويتعامل مع مشاعر الحزن على إنها مؤقتة تنتهي تدريجيًا لما يبطل يفكر فيها، نار الغضب بتطفي لو بطلت تحط فحم كل يوم من التفكير في قائمة ليه وهيحصل إيه وهو فين وتراقبه! ‫ لو عرفت تتخطى فكرة التفكير الزيادة في قائمة «ليه». ‫ ليه ده حصل؟ ‫ ليه خلص؟ ‫ ليه ما حاولش؟ ‫ ليه عايش من غيري؟ ‫ ليه المستقبل مش هيجمعنا تاني؟ ‫ مجرد تخطي تلك القائمة انتصار، والتسليم أنه أمر واقع وإرادة ربنا، «لعل الله يحدث بعد ذلك أمرًا» أول آية في سورة الطلاق