⁠‫خليك فاكر دايمًا: من نمّ لك، نمّ عليك.

⁠‫حاول تتجنب أي قاعدة فيها نميمة، وطبعًا ما تتكلمش عن عيوب حد؛ أولًا لإنه حرام، قال تعالى: {وَلَا يَغْتَب بَّعْضُكُم بَعْضًا}، ثانيًا عشان إنت ما تعرفش مين صاحب مين، ومين قريب مين، ومع الوقت هتكتشف إن فيه موظفين أقارب، وفيه موظفين أصحاب برة الشغل. كلامك عن عيوب الناس هيخلي الناس ما تحترمكش، وهيوقعك في مشاكل كتير.

⁠‫قال الإمام الشافعي: “لِسانُكَ لا تَذكُرْ بِهِ عَورَةَ امرئٍ فَكُلُّكَ عَوراتٌ وللنّاسِ ألسُنُ،

⁠‫وعَيناكَ إنْ أبدَتْ إليكَ مَعايِبًا فَصُنْها وَقُلْ يا عَينُ للنّاسِ أعيُـنُ”.