ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم في حبك
تزيد الممنوعات
وكل يوم باحبك
أكتر من اللي فات
حبيبتي يا سفينة
متشوقة وسجينة
مخبر في كل عقدة
عسكر في كل مينا
يمنعني لو أغير
عليكِ أو أطير
بحضنك
أو أنام
في حجرك الوسيع
وقلبك الربيع
أعود كما الرضيع
بحرقة الفطام
حبيبتي يا مدينة
متزوقة وحزينة
في كل حارة حسرة
وف كل قصر زينة
مشاركة من فريق أبجد
، من كتاب
