بكرة لما قمركو يطلع
والشمس تطلع
ونهاركو يطلع
حيقولوا كان في المكان دا ناس
فيهم طيابة
وفيهم حماس
وكانوا آخر الأمر
ناس
وكان زمانهم سجون
وكانوا
مابين سجونه وأمريكانه
وبين ضباب الطريق حيارى
ماحد قادر يشوف مكانه
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
وياما ناس فى المسيرة
مشيت
وناس ف نص المسيرة خانوا
حتقولوا كانوا
أو ياما كانوا
لكن ح يبقى في الأمر حاجة
إن اللي عربد
ما سابش حاجة
وساب كلابه
على كل حاجة
تهبش وتنهش
فى كل حاجة
ماقدرش يقتل في أي حاجة
روح التفاؤل
بكل حاجة
مشاركة من فريق أبجد
، من كتاب
