أنا سبتني فـ وسط الطريق عشان جبان ....

إيدي اللى دابت دق على كل البيبان ..

الرعشة فيها وخطها عـ السطر مال ...

قاعد بضفر شعر واحدة ماشوفتهاش

وأبني فـ آمال ..

وأكتب قصايد من وجع ..

وأرميها في دُرج المُحال ..

مانا أصلي عمري ماكنت بأحلم أبقى حاجة

زي ما كانوا العيال..

أنا حتى عتمري ماكنت بألعب كورة فـ الشارع معاهم ..

ولا عمري حتى لعبت بلي ..

ولا كان لي جرأة أنط سور المدرسة وأجري..

والإسم أهو شوية حُروف..

السن مش فاكر قوى ...

الحالة؟ راضي بحالي وبقدري..

طيب ساعات ... لكن !!

ساعات شرير قوي

أنا مش لاقيلي أي وصف..

ومش عارفلي أي حال !!!!!