ثم سكتت كأنها تستدرك، تطابق ما وصفه (آسر) عن (كارم) بما شرحته، وأكملت وهي تبتلع ريقها وتفجر مفاجأة: "بيقولوا إنهم عبدة الشيطان؛ لأن الوشم والرسومات اللي بيرسموها على أجسامهم شيطانية، وبتحبب الشيطان فيهم، وبيلبسوا خواتم وسلاسل وجواكت بزنط وزعابيط، وبيحطوا على شفايفهم حاجة زي الروج بس لونها أسود، وحاجات تانية أنا مش فاكراها..."

التفت الجميع إلى (كارم) في رعب، وحدقوا فيه يستطلعونه. الذى لمح نظراتهم التي التهمته فنادى على (أخيه): "(آسر)!"

(آسر): "أيوة.."، ونظر للبقية وهو يبتعد ببطء: "ثواني.. شكله مش هيجيبها لبر"

ثم نظر لـ(سمر) بضيق: "جبتي منين حوار (الإيمو) ده!؟"

(سمر) بينما (آسر) يبتعد: "(ويكيبيديا الموسوعة الحرة) ياخويا!"