فنجان قهوة مع قاتل

كتاب رائع يأخذ إلي عالم اخر

الاقتباسات

❞عم بينهما الصمت المغلف بنظرات مملوءة بالعتاب، وكأنه قد حان الوقت لفض خلافاتهما الزوجية. اعتدل علاء في جلسته واستند بكلتا ذراعيه على المنضدة الفاصلة بينهما، ونظر داخل عينيها مليًّا ثم سأل باهتمام:‏

‫ ‏- لحد امتى هنفضل بعيد عن بعض؟‏ ❝

❞ تقهقر إلى الخلف مصدومًا من رد فعلها، وكأنها تحولت إلى جماد مسخ نتاج أفعاله. فهم أنه قد جرح أنوثتها وعبث بكرامتها، وهذا جرح لن يُشفى.‏ ❝

الراوية حلوة احداثها كتير وتشد من اول صفحة حبكتها حلوة سردها ممتع على الرغم من انه بالعامية ، بس بصراحة هاموت من الغيظ من النعاية واتمنى يكون في جزء تاني منها

حلوه بس اعتقد ليها جزء تانى .. صح؟؟؟

أول تجربة مع الكاتب و كانت مخيبة للآمال جدا، عنوان الكتاب في مكان و أحداث الرواية في مكان تاني ، إيحاءات كتير كان ممكن يوصفها بشكل أنضف من كدا وألفاظ سيئة كتير برضو و ده كان مزعج ليا كقارئ و الحبكة مش مقنعة أبدا يعني واحد عمال رايح جاي يقتل في الناس ومحدش سأله عن أي حاجة عادي كدا ،و الدافع الخاص بالمجرم مش قوي ومش مناسب أبدا للأحداث و النهاية مالهاش معني كأنها جزء مبتور من القصة إلا لو كان الكاتب ناوي يكمل في جزء تاني، أحسن ما فيها هو السرد مع أنه بالعامية إلا أنه كان متقن ، لكن الكتاب مش مناسب ابدا لجو التشويق والغموض حسيت إني بقرأ رواية عن المشاكل العاطفية للبطل يعني حقيقي جزء الغموض اللي فيها ضعيف جدا

مش عارفة انت كاتب الرواية لهدف تخلينا نحس أنا الخير انتهى من الدنيا وان الشر هو المنتصر

يعني الشخصية الشريرة ماشية تقتل وتخفي جثث وتعتدي على الناس وكأن المجتمع مفيش رقيب خالص

وحتى الجزء الحلو في الرواية الأشخاص العاديين اللي زينا طلعتهم أشخاص هبلة وضعاف الشخصية ومعدومي الحيلة