مراجعات كتاب السامريون الأشرار: الدول الغنية والسياسات الفقيرة وتهديد العالم النامي

الكتاب بيتكلم عن ازاي الدول المتقدمة في الوقت الحالي استخدمت كل القيود علشان تحافظ علي الصناعة الوطنية الخاصة بيها ولما بقت قادرة انها تنافس بدأت تفتح السوق بتاعها لدخول منتاجات الدول الثانية لكن لما وصلوا قرروا يرموا السلم ويمنعوا اي دول ثانية انها تعمل الي عملوه واستخدموا السامريون الاشرار الي هما البنك الدولي وصندوق النقد ومنظمة التجارة العالمية في انهم يفرضوا خطط وشروط علي الدول النامية تمنعها من انها تعمل الي عملوا واجبرتهم يفتحوا الاسواق بتاعتهم قدام منتاجات الدول القوية دي والي تسببت في تدمير الصناعة الوطنية لانها اكيد مش هتقدر تنافس وهي لسه في بدايتها وفهمت الدول النامية ان هو ده الطريق الصح الي كل الدول القوية استخدمته علشان توصل وان السبب في انكوا مش قادرين تبقوا زينا علشان انتوا شعوب كسولة وفاسدة مش لان الخطة دي بتدمر صناعتكوا في بدايتها لا انتوا الي كسولين 🙄 والاغرب بقي ان ده كان نفس الكلام الي بيتقال علي شعوب زي اليابان والمانيا وكوريا قبل ميتقدموا لكن دلوقتي بقت شعوب اذكياء ونشيطة ما شاء الله وده طبعا حصل لما امريكا قررت تساعدهم يحافظوا علي صناعتهم لانها كانت خايفة من انهم يميلوا ناحية الشيوعية لكن للاسف الدول الافريقية حظها كان اقل السامريون الاشرار هدفهم يمصوا دم الدول دي بس وهيجبروهم يمشوا علي خطط بتدمر صناعتهم لانهم عاوزينهم يفضلوا مجرد سوق يستهلك بضاعتهم