مراجعات كتاب حبيبتي

كتاب يرسد فيه احمد زاب ثروت ما يتمني ان يحدث له فقط .. عقيم وممل

مممممم

ممممممممممممم

ممممممممممممممممممم

حقيقي انا مش عارفة اكتب ولا أعلق واقول ايه ، اصل انا مقريتش حاجة عشان اعلق عليها اصلا !

بما ان الكتاب باللغة العامية فأنا هعلق بالعامية برضه .

1 - ده مش كتاب دي خواطر واللي مكتوب فيها مينفعش ابدا يجي تحت بند الرسايل ، دي ممكن تبقى بوستات حلوة لطيفة ع الفيس بوك وتجيب لايكات كتير وشير وقلوب وهييييييح وما شابه ذلك ، غير كده يبقى اسمه افترا .

2 - انا تنحت ف الصفحة الاولي لما قريت انه كتب الحاجات دي ف ديسمبر 2014 ، وبقدرة قادر الطبعة الاولي كانت في يناير وخلصت ف يناير وظهرت الطبعة التانية ف يناير وشهداء يناير ماتوا ف يناير ! مش كده وبس ، لا ، الطبعة التالتة ظهرت وخلصت ف فبراير والرابعة ظهرت ف فبراير واحنا دلوقتي ف مارس والله اعلم وصلنا للطبعة الكام ، ومن هنا احب اسأل هما بيطبعوا كام كتاب ف المرة الواحدة عشان تخلص بالسرعة دي ؟!

3 - مكتوب ف الصفحة الاولى ان ف تصحيح لغوي وده شئ حلو جدااااااا ، لا اصبروا متفرحوش اوي كده ، اقروا وهتتصدموا من كم الاخطاء الاملائية واللغوية الموجودة ، انا نفسي بغلط كتير ف النحو وبعترف بده لكن ف بديهيات مينفعش ابدا حد يغلط فيها وحتى لو حصل وغلط امال ايه لازمة المصحح اللغوي لامؤاخذة ؟!

4 - نيجي بقى للمهم ، نيجي للمضمون وما أدراك ما المضمون ، الكتاب كله ع بعضه 5 رسايل - نمشيها رسايل - واحدة لمامته واحدة لأخته واحدة لحبيبته واحدة لبنته واحدة لمصر ، حلو ، لا مش حلو ، ليه بقى ؟ كان ممكن يبقى حلو لو الكلام جديد ومبتكر ومتهرسش ف مليون فيلم عربي قديم قبل كده ، ده احنا حتى وانا بقرا كنت متوقعة هيقول ايه ف الجملة اللي بعدها من كتر التقليدية الرهيبة ف الكلام ، اه عارفة ان حب الام والاخت والحبيبة والكلام الحلو ده متشابه كتير ، تمام ، طالما متشابه يبقى متعملش نفسك خبير وعبقري عصرك وتنزل كتاب وفيه الحاجات دي وعاوزنا نشتريه ولو بجنيه حتى عشان اقراه واضيع نص ساعة من وقتي فيه !

5 - فكرة انك تسيب فراغ بعد كل رسالة عشان تدي فرصة للقارئ انه يوجه رسالة تخصه دي حاجة حلوة ، تمام ، لكن اللي مش حلو انك تخلي الفراغ ده 5 صفحات !! ليه ياعم هو حشو وخلاص ! حد قالك ان لازم الكتاب يعدي 100 صفحة ، الكتاب 109 صفحة لو شيلنا الصفحات البيضا والفراغ اللي قبل كل رسالة مش هيكمل نص العدد ده ، طب ليه كده يعني ؟!

6 - صورة الغلاف حدث ولا حرج ، هو ايه فايدة انك تحط صورتك الجميلة دي ع الغلاف ؟ صدقني ده مش عنصر جذب اطلاقا ، ده مش اسطوانة عشان تحط صورتك عليها ده كتاب والله !!

7 - ملحوظة اخيرة انا مبهاجمش زاب ثروت كشخص ، بالعكس انا بحب اسمع اغانيه جدا ، لكن فعلا اتمنى ميكتبش حاجة تاني بعد كده !

8 - السؤال المهم بقى ، لما كل الناس دي مش عاجبها كتاب زاب ثروت وده واضح من التقييمات هنا ، آمال مين اللي كانوا ف صور حفل التوقيع دول ؟!

عليه العوض ف الوقت اللي راح