مراجعات كتاب فوجا

قد أفهم أن يكون لدى الكاتب فكرة جيدة لكن أسلوبه ضعيف، أو أن يكون أسلوبه جميلا لكن ليس لديه أفكار جديدة، أما أن يكون أسلوبه فى غاية الردائة إلى حد الفجاجة ،و أفكاره مملة و مكررة و غير منطقية، فهذا فوق إحتمالى !!

الأدهى أن يكون حاصلا على المركز الأول فى مسابقة "مش عارف إيه كده" أما الأمر أن تكون هذه هى الطبعة الخامسة من هذا الكتاب اللعين و الكاتب "أخرج" روايتين كمان !!

و لكى أقرب الصورة تخيل فيلم مقاولات بوليسى ركيك، ثم تخيل أنك تقرأه مكتوبا بأبشع أسلوب ممكن، هذه هى رواية "فوجا" بالضبط، حيث الأبطال "يتجشأون" أى حاجة طول الوقت، فهذا تجشأ الخوف، وهذا تجشأ التوتر، و هذا تجشأ الحزن، حتى إقتنعت أن الكاتب لا يعرف معنى التجشوْ أصلا !!

حزنت جدا لأنه ليس هناك تقييم أقل من نجمة واحدة فهى حقا خسارة فيها !!

عندما يكون الكاتب حافظ مش فاهم ..

كمية أخطاء نحوية واملائية بشعة ..

استعراض عضلات وهمية واسلوب مقزز يناسب طفل في العاشرة ..

تكرار للكلمات والتعبيرات بطريقة تخنق ..

"توجس فلان .. تجشأ علان المفاجأة .. ابتلع ترتان الصمت :v "

ايون بقى بعد ما استحملت قراية ده كله ..

وبعد ما راجعت نفسي 600 مرة اكملها ولا لأ ..

فين القصة بقى ؟؟!!

فين اللوجيك ؟!!

DNA ايه ده اللي بيعرفوا منه القاتل والمقتول :D

انا فكراها في حصة العلوم كويس في ستة ابتدائي متقالناش الكلام ده نوهائي :v

والأغرب ان في ناس حابة الرواية !! o.O

يا جماعة انتوا بجد ؟!!!

ده انا شوفت ناس في الريفيوهات بتقارن الاخ عمرو بأجاثا كريستي -_-

أخيراً بعد هذه التجربة التعيسة .. ادركت مدى السذاجة اللي بقينا فيها لدرجة اننا سمحنا لهذا الهراء انه يتطبع ويتنشر .. وفي نفس الوقت سايبين كتاب موهوبين بجد من غير فرصة نشر

لو في اقل من النجمة مكنتش هتأخر في اختيارها ..

لما لا يتيح أنصاف النجمات في التقييم؟"

أثار فضولي ريفيو جديد عنها لقرائتها عشان أعرف مين اللي جاي علي مين ..

لم يكن من وصفها بالكارثه الأدبية متجنيا ..

بجد أتمني إن المؤلف ياخد الإنتقادات دي في أعتباره إن حب في يوم يقدم عمل قوي

و ما يسمتمعش لكلام المحيطين بيه و اصدقائه لأنه بشكل كبير ممكن يكون مضلل , مش كلهم محايدين للأسف, و في منهم عاوز يكون محايد و محرج ..

و بس :)

ما عنديش حاجة أقولها أكتر من كده ..

الحبكة ركيكة واللغة كذلك... اسلوب السرد مبتدئ جداً

من ثم ما قصة التجشؤ؟ :-|

لماذا "تتجشأ" شخصياته جميع مشاعرها تجشؤاً؟

هل الكاتب مدرك فعلاً ما معنى "تجشؤ"؟

وهذه الفوجا المحشوة حشواً في القصة... لا مهلاً... هي ليست محشوة في القصة وانما القصة مكتوبة من اجل افساح مكان لاستخدام الفوجا. ومكتوبة بلا اتقان ايضاً.