زبون طازة

نبذة عن الرواية

يا بيه أنا عبد المأمور، ودي شغلتي، واللي أعرفه إن فيه تحت إيدينا مقابر للي ملهومش أهل ولا اتعرف عليهم حد، وأنا شغال في السليم؛ مسرقتش تربة، ولا نبشت قبر، الجتة الطازة دي جتلي مع أستاذ ببدلة كده وريحته حلوة، من حلاوة ريحة منديله جبته من على الأرض ودسيته في جيب السيالة، ودي السرقة الوحيدة اللي ممكن أعترفلكم بيها، أيوة؛ أنا ماشي زي الكتاب ما بيقول، أنا شغلي سليم وورقي مظبوط، وسمعتى ولا الجنيه الدهب، عاوزين المنديل؟ أهه، خدوه! مد عم علي إيده وأخد المنديل المطرز بأول حروف اسم السلاموني بيه وشم ريحته اللي دايما بيحب إنها تكون على هدومه.