رواية مقامرة على شرف الليدي ميتسي

للكاتب الشاب أحمد المرسي

..

الروايات الحديثة بقيت ألاقي إنه صعب أكمل قراءتها لأسباب كتير زي ضعف اللغة أو انحدارها أو محاولة خلق تويستات عجيبة لإثارة الشغف

لحد ما تقرأ حاجة تكون الاستثناء وتقدر تاخدك في رحلة متكونش عاوز إنها تخلص

وده شوفته ينطبق على رواية مقامرة على شرف الليدي ميتسي

..

في البداية مكنتش متحمسة لأني اقرأها بسبب العنوان

لكن بعد ما قرأتها فهمت مغزى العنوان ده وشوفته لايق عليها

..

أول فصل كان شوية ممل بالنسبة لي

ولكن بعد ما بدأت الفصل التاني مقدرتش أتوقف عن استكمالها

..

اللغة كانت جميلة ولكن أنا محبتش الخلط بين الفصحى والعامية

..

الشيء اللي بيجذب في الرواية بالنسبة لي كان نجاحها في إظهار الجزء الداخلي في أبطال الرواية والإحساس بإنك متشابه معاهم داخليا وكأنهم انعكاس لما في داخلك

في النهاية رغم اختلاف البشر لكن بشوفهم متشابهين في مشاعرهم واحتياجاتهم والرواية نجحت في إظهار ده بشكل كبير

..

النهاية اللي حاولت تتغلب على كآبة التفاصيل كان فيها نقلات كبيرة غير ممهد لها في الرواية

بس في الآخر أعطت أمل وده أحيانا بيكون مطلوب

..

في المجمل الرواية رأيي فيها إنها لطيفة جدا وتستحق القراءة