الحكاية بدأت ببوست علي صفحة دار العربي بتقول ان فيه رواية اسمها (نقطة الصفر) بتتكلم عن الحشاشين و غلافها قلعة ألموت🤔
كنت صاحب الفكره و شجعت شلة القراءة و تحمسوا نقرأ العمل سوا 😉و بدانا قراءة 😁هو اه السيد فداء (الكابوس) بدا و خلص قبلنا بس ده ابننا هنعمل ايه 😏
و كانت المفاجاة لما بدانا القراءة ايه دخل فرنسا عام 2015 بحسن بن الصباح؟
ايه دخل الحملة الصليبية الاولي بحسن الصباح والحشاشين؟
ايه هي نقطة الصفر المسمي علي اسمها الرواية ؟
في بداية العمل هتحس انك دخلت رواية غلط بس شوية بشوية هتبدأ تفهم الروابط بين 3 خطوط مختلفة و بين حسن الصباح قائد الحشاشين لدرجة ان مونيكا سالت سوال في اول القراءة هو انتوا فعلا متاكدين ان العمل بيتكلم عن الحشاشين ؟
انا لازم ارفع القبعة تحية احترام و تقدير لدار العربي علي اختيارهم عمل زي ده للترجمة🎩
عمل من أرمينيا ان يتم اختياره و ملاحظته ده بيأكد علي انهم مش بيترجموا اي حاجة لمجرد الترجمة ، أما بقي كاتب العمل "ناريك ماليان" ايه الدماغ دي قدر ببراعة يعمل رواية فكرتها مجنونة و يعمل خيوط صعب تترابط بعض و قدر يربطها بامتياز و مش بس كده الكاتب اكدلي انه مطلع و عامل بحث و قراءة عشان يكتب الرواية دي
و لازم هو كمان اوجه له تحية كبيرة لانه اتسبب اني اقف اكتر من مرة و اقرا عن حاجات عمري ما كنت افكر اني هدور عن معلومات عنها و مش بس كده انا خلصت العمل و مكمل بحث و مش عارف اطلع العمل من دماغي بالبلدي كده انا طالع من العمل ده عامل دماغ أدبية 😵
حاجة كمان و يمكن دي اهم حاجة و هي الترجمة ، تقييمي للترجمة 5/5 لدرجة ان بعضنا و احنا بنقرا قال اني قربت احس اني الرواية اصلا لغتها العربيةبصراحة انا عاوز اقول تفاصيل كتير عن العمل بس كلها هيبقي فيها حرق للاحداث و انا مش حابب اعمل ده