#قراءات_٢٠٢٤
حفلة الختام لمهرجان سينمائي كبير ، فستان لفنانة شابة بيسيب أثر غامض على السجادة الحمراء ، صحفي بيلفت انتباهه الأثر و بيقرر يعرف مصدره ، فبيتتبعه و هنا بيُفاجئ بجثة شاكر الغندور المنتج السينمائي الشهير .
المعاينة المبدئية بتقول أن في أثر لخناقة ، شاكر شخص معروف بعلاقاته الكتير و أعدائه الاكتر ، و من هنا بتبدأ التحقيقات مع شخصيات كتيرة و بتظهر تفاصيل اكتر ، مع وجود أدلة متشعبة كل ما تمشي ورا دليل تضطر تعيد تفكير من الأول .. يا ترى إيه سبب الجريمة ؟ و هل هي جريمة وليدة اللحظة و لا متخططلها تمام و كل دليل محطوط لحماية الجاني الحقيقي؟
الرواية مكتوبة بحبكة قوية و أحداث متصاعدة سريعة ، و مع كثرة التفاصيل هتحتاج التركيز لأن كل تفصيلة صغيرة هتفرق في سير التحقيقات و هتغير مسار القصة اكتر من مرة ، و ده هيخليك تعيد التفكير في مين الجاني طول الوقت ... و هتتفاجىء به في النهاية .
الرواية بوليسية ممتعة لا تخلو من جانب إجتماعي إنساني .. أرشحها لمحبي أعمال الجريمة و التشويق .
تقييم الرواية ٣ نجوم و نص