الكتاب دة من الكتب اللي بقالي فترة طويلة عاوزة أقرأها بس للأسف محبطة جداً بعد الانتهاء منه!
الكتاب كما هو واضح من العنوان بيتكلم عن الإنسان اللي أحياناً لا يختلف كثيراً عن الحيوان و الكاتب وضح دة في الفصول المختلفة بالكلام عن الدولة القمعية ،التعذيب في السجون،الجلاد الذي ينتقم أحياناً من ماضيه ،الأخلاق و المجتمعات المقموعة وحاجات تانية كتير...
الكتاب للأسف غير منظم بالمرة ...ممل في أوقات كتير...في أجزاء مكررة و بيلف و يدور حول نفس النقطة و الكتاب كله بلا استثناء عبارة عن اقتباسات من الروايات والكتب المختلفة و تحليل للكاتب لما ورد فيها و في جزء عبارة عن اقتباسات من كتب الكاتب الشخصية أو كتب قد قام بترجمتها وحسيت وجودها ملوش داعي!
محتوي الكتاب قرأت زيه كتير ولم أشعر إنه قدم أي شئ جديد الصراحة باستثناء فصول قليلة...