عندما تكون قارئ و على قدر من المعرفة لروايات كثيرة و تقابل قراء كتير فى مناقشات و تلاقى معظمهم بطلهم "السوبر هيرو" د\رفعت اسماعيل و يجى الدور عليك و تلاقى نفسك بتقولهم مين د\رفعت !!!!!!!!!!!!! النظرات بتختلف من انتا بتهزر صح ! اكيد بتهزر , بتكون امنيتك الوحيدة ان يكون معاك "عباءة الاختفاء"التي كانت مع هارى بوتر و تختفى من نظراتهم .
ديه سلسلة الشباب معظم القراء فى مصر ديه كانت بدايتهم و بدايات المغامرات و حبهم للقراءة و الفضل للعراب احمد خالد توفيق
مفيش هروب I AM GUILTY
بدأت متاخر فيها و لكن ده من حسن حظى اعتقد لأني بعيش المغامرات لاول مرة و بشوف نظرة الغيرة فى اعين الجميع اللى نفسهم فى مغامرات اكتر لدكتور رفعت الذى بسببة بقا ليك بطل و اخيرا مصرى و مش بطل عادى زى كله لا بطل يعاني من الربو وضيق الشرايين التاجية و يدخن بشراهة و اكتر من ده هادم الاساطير كما يلقبونه.
اول مغامرة مع اسطورة مصامص الدماء احداث مشوقة و لغة و احداث سريعة على الرغم من انها كانت سهلة التوقع و لكن نهايتها مفتوحة على الرغم من ان كما عودنا ان كل اسطورة وراها خائن او مجنون يستغلها او خوف بيجعلها حقيقة فى نظر البعض و لكن هنا لم يتم هدمها كما توقعت و تمنيت .
مغامرة الثانية مع الرجل الذئب بعد عامين من احداث مصاص الدماء اعجبتنى اكثر لانى بما انى لا اؤمن بالخوارق الطبيعية فهنا تم هدمها و محضها
.بداية موفقة مع هادم الاساطير