دار النشر : #الدار_المصرية_اللبنانية
"شبابيك ، الدنيا كلها شبابيك والسهر والحكاية والحواديت " …
مش عارفة ليه طول الرواية فى ودنى الاغنية ديه 👆🏻
يمكن علشان الرواية دخلتنى بيوت كتير وخلتنى اشوف المستخبى ورا الشبابيك 🤷🏼♀️
الكاتب حب يتناول أزمة الكورونا 😷 وآثارها والعزلة اللى اتفرضت علينا فى صورة مختلفة… من خلال سكان عمارة واحدة 🏢 …حكايات واسرار 🗣🦻🏻 كل شقة …
وتعاملهم مع الحدث كلا على طريقته …
القصص منفردة ومش متصلة ببعض
وكنت على أمل من ترابطها بشكل او بآخر فى النهاية … بعنى اكيد الجيران لبعضها 😁 وكنت متخيلة انهم هيبقى ونس وسند لبعض بس الواضح أن ده كان زمااااان وفى مناطق وأماكن معينة .. لكن حاليا
" صباح الخير ☀️ يا جارى … أنت فى حالك وأنا فى حالى "
اللى حصل معايا فى الرواية ديه انى حسيت وانا بقراها انى خبطت على باب 👊🚪 شقة شقة فى العمارة ، قعدت شربت الشاى ☕️ واطمنت على أحوالهم فى العزل وسمعت عن قصصهم وبعض مما كان من حكاياتهم وقفلت الباب 🚪 ورايا ومشيت🧍🏽♀️ بس كده …
و طبعا بما أنى من هواة التشويق كنت مستنية الحدث اللى هيقلب غربة المنازل لونس المنازل لكن محصلش وبقى الوضع على ما هو عليه 🥺…
تعاطفت مع بعض السكان وبالأخص
🌟قصة الملحن 🎻رامى مع غيداء :
ألم تكن ليلة جميلة؟
أرجوك، كان ذلك خطأ كبيرًا، لننس هذا الأمر.
أراد أن يقول كلمة تسترضيها، لكن كرامته منعته، أراد أن يغضب لكن خوفه من فقدها ألجمه. اكتفى بالصمت، موقنًا بأنها ستلين فيما بعد، وأنه سيعاود الإمساك بجملة لحنها الأولى التي هربت. ❝
🌟 وقصة المؤرخ بديع العطار …
❞ «ليس بوسعنا أن نُغيِّر ما يحدث في الأحلام. نتلقى ما تقرره القوة التي تسيطر على منامنا فحسب. وهكذا صرنا في مواجهة كوابيس اليقظة هذه الأيام». ❝
… والبعض مروا مرور الكرام ولا آثروا فيا …
بس الأكيد أن فى 👇🏻👇🏻
" كثيرون يتساقطون فى عتمة العزلة "