طيب .. لو حد قرا للراجل دة قبل كدة فاكيد حيكون لاحظ انه رواياته مش مجرد شخصيات وأحداث بتربط بينها من خلال زمان ومكان .. الراجل ظة فيلسوف فعلا .. أراءه حول الحياة والموت والكفاح والنجاح والفشل مذهلة لدرجة كبيرة .. حتى لما كتب عن المسيحية اهتم اكتر بتسليط الضوء على فلسفة الدين دة اللى مليان باشياء كتير غامضة اكتر من اهتمامه بتوثيق فترة حياة المسيح وتلاميذه .. كل الامور دى خلتنى عارف انى مع على معاد مع كتاب حتى لو كان صغير فى الحجم الا انه حيكون معقد ومن الصعب هضمه .. كنت متشوق جدا لاعرف فلسفة الراجل دة وفكره عن الصوفية اللى بالنسبة لى لسه تعتبر لغز كبير جدا ، أعجبت جدا بكلامه عن الحياة ، عن اتحاد النفس مع الطبيعة المحيطة بيها ، عن تواصل الروح مع الاسلاف السابقين والاجيال اللاحقة ، وكمان عن علاقة الانسان وتاثيره فى المحيط اللى حوله .. بس فى بعض النقاط اللى ما حبتها او ممكن مافهمتها واللى بتتنافى مع معتقداتى بشكل كبير مثل عبارة
" إن الاله في خطر ، فهو ليس القوى المطلقة لكي نعقد أيدينا ، ونتفرج ، أملين في النصر الأكيد ، أنه ليس الطيب المطلق ، لكي يملأنا الامل والثقة بإنه سيرثي حالنا وسينقذنا "
وكمان فى مقاطع أخري يمكن لم أفهم قصده البعيد منها وبالتالى أخدتها بمعناها القريب .. لكن عموما الكتاب حلو وكشف لى وجه أخر من وجوه أبداع هذا الرجل .. تجربة جيدة تستحق الوقت اللى أخدته