" الرجال من المريخ .. والنساء من الزهرة"

...

مش واثقة من دقة المعلومات الواردة في الكتاب صراحةً .. لكن بعضها انطبق علي .. والبعض الآخر لأ .. حتي إنني قد وجدت تشابه بين بعض من طباعي و طباع سكان المريخ "الرجال" :D

ده إن دل ..فإما يدل على كوني غير طبيعية .. أو كون الكلام الوارد بالكتاب مش قاعدة عامة صريحة تنطبق على كل الناس

اللي عصبني تكرار المعلومات والملل اللي حسيت بيه .. اللي هو المعلومة الواحدة بتتشرح بالتفصيل الممل في يجي 50 صفحة -_-

أنا رأيي أن العناصر الأساسية في هذا الكتاب كان ممكن تُختصر في 100صفحة فقط .. بلا مبالغة

كمان معجبنيش إن الكاتب بيملي الزوجين يقولوا ايه لبعضهم في المواقف المختلفة .. ويمسك كل المواقف موقف موقف يوضح للراجل والست يقولوا ايه ..

الأفضل كان يوضح الفكرة العامة وويسيب الاجابة متروكة للزوجين وكل واحد منهم يتعامل مع التاني بطريقته مش باللي حفظه من الكتاب ..

وإلا كده هتكون الرومانسية مصطنعة والزوجين أشبه بالروبوت اللي بيقول الكلام اللي متبرمج عليه ..

.....

برغم الملل والمدة الطويلة اللي استغرقتها في قراءة الكتاب ..

إلا إن ده ميمنعش اني خرجت منه بمعلومات كويسة عن طبيعة الراجل والست ..

وإن اكتر حاجة الست بتحتاجها البوح ..

والرجل بيحتاج مساحة من الإنسحاب ..

واللي ادركته فعلاً إننا معندناش ثقافة التعامل أو التقبل بين الطرفين ..

ومحتاجين منهج معين في مجتمعنا العربي يتيح فرصة تثقيف الزوجين بطبيعة كل منهما ..

سواء المنهج ده اتفق أم اختلف مع طبيعة هذا الكتاب ..