هي قصة الرواية تحفة .. وفكرة مزج الأحداث بالتاريخ فكرة جميلة وجديدة

لكن كان في تطويل اوي وتفاصيل ملهاش لازمة .. كمان الإسلوب مفيهوش ابتكار إلي حد ما ..

كتابة الأحداث قبل وقوعها وشرحها دي فكرة مش مشوقة خالص وفيها حرق للأحداث

وكمان في مبالغة .. وكل شوية الكاتب يقول "لن تتخيل .. لا يمكنك ان تتخيل .. حاول ان تتخيل ... "

الإسلوب ده ممل جداً وممكن ينظر ليه ان الكاتب مش قادر يرسم مشهد يجذب الكاتب فبيجبره على الاقتناع انه مشهد عظيم ومفيش زيه .. ووصف المشهد بيكون عادي اصلاً :/.. مفروض يسيب القارئ اللي يتخيل .. ميجبرهوش او يخرجه من جو الرواية

وفي خروج عن الأحداث كتير ... يعني ممكن اكون بقرأ حدث معين وألاقي الكاتب خرج منها عشان يشرح حاجة تانية خالص ملهاش أي ستين لازمة ..

هي فكرة الرواية رووووعة .. لكن في رأيي إن لو الإسلوب وطريقة السرد كانت أقوى .. كانت الرواية دي هتبقى اسطووووورة :)