- رواية كويسة ولو إنها مش رواية بالمعنى المفهوم يعني هي لقطات من حيوات أشخاص مختلفين وفي منهم كتير ميعرفوش بعض أصلاً

- واضح جدا إن الرواية إتكتبت قبل هيبتا لأن الأسلوب للي بيقرا واضح أووووي إنه أسلوب محمد صادق لكن كان ناقصه الحبكة يمكن او النضوج الأدبي أكتر مش عارفة بس نفس الكونسبت موجود زى هيبتا فيه صور بتيجي ورا بعض عن أشخاص زى نيجاتيف كده .

- عجبني منبت الأحداث نفسها إنه قد إيه ساعات بتعدي في حياتنا عادية جدا لكن ممكن تكون فارقة في حيوات ناس كتييييييير وده اللي خلاني أقيمها ب 3 نجمات مش 2 زى ما كنت ناوية

- انا بس حسيت إن طريقة صياغة الكلام عاملة زى الترجمة الحرفية للكلام بطريقة فصلتني جدا من الجو العام وإندماجي في الرواية :(

- بشكل عام هي عمل كويس أو يمكن تمهيد مبدئي لهيبتا وأسلوبها