. يوسف زيدان قد يكون محقق تراث ممتاز فعلا ساهم بابداعاته فى المجال دا بشكل مشهود لحضرته. له مؤلفات كثيرة كمفكر راقيه فعلا (انا عن نفسى استفدت من اللاهوت العربى ودوامات التدين ومتاهات الوهم ) وله انجازات تخص المجال الصوفى تشهد بكفاءته . (كل دا كويس وعنب)
لكن كروائى
:(انا عجبتنى ظل الافعى)
روايته (عزازيل) من اجمل ما قرأت فى حياتى . مزج التاريخ بالادب حتى بفكر صوفى ورهبانيه وقدم تحفه من ابدع ما يكون .
هنا بقى تظهر مشكلة المصريين . انه يفتكر ان كل حاجه يكتبها اكيد هتكون تحفه وتبهرنا . مع تضخيم اعلامى ومبيعات محترمه لكتبه لكن :
النبطى ماشى تعدى . محال (انا حبيتها بصراحه) . لكن كلها عاديه (من وجهة نظرى كقارئ) وغير ناضجه . وهنا جاءت الكارثه
:( جونتنامو) . ادب السجون مش مجرد انك تحكى عن واحد اتعرض لظلم واتاخد غلط واتعذب (انا اشوف احنا بتوع الاتوبيس اكرم لى ) ادب السجون اعمق من كدا بمراحل .فين العمق ؟
المفروض انك تنزل دمعتى غصب عنى فى موضوع زى دا . مش ترص لى حجارة كدا والمفروض انى اعترف بابداعك الا منتهى . انت رصيت حجارة ايوه لكن البيت كان سئ وبناءه اسوأ وشكله اسوأ واسوأ.
ادب السجون يا فندم ارقى من كدا بمراحل .
انا تخيلت لما سمعت اسم الروايه انى هشوف حاجه زى شرف او تلك العتمة الباهره او حتى دروز بلغراد لكنى فوجئت بعمل (من وجهة نظرى كقارئ طبعا ) روايه سيئه وسيئه جدا كمان.